आज (१४ एप्रिल) संपूर्ण देशभरात मोठ्या उत्साहात डॉ. बाबासाहेब आंबेडकर यांची (Dr. babasaheb ambedkar jayanti 2023) जयंती साजरी केली जात आहे. सामान्यांपासून सेलिब्रिटींपर्यंत अनेकांनी सोशल मीडियावर पोस्ट शेअर करत बाबासाहेबांना अभिवादन करत आहेत. यामध्येच महाराष्ट्राची हास्यजत्रा फेम अभिनेता गौरव मोरे (gaurav more) याने डॉ. बाबासाहेब आंबेडकर जयंतीनिमित्त खास पोस्ट शेअर केली आहे.
सोशल मीडियावर सक्रीय असलेल्या गौरवने नुकतीच एक पोस्ट शेअर केली आहे. या पोस्टमध्ये त्याने एक फोटो शेअर केला आहे. सोबतच त्याला दिलेलं कॅप्शन साऱ्यांचं लक्ष वेधून घेत आहे. “आपण आहोत, कारण ते होते…बाबासाहेब धन्यवाद,” असं कॅप्शन गौरवने या फोटाला दिलं आहे.
दरम्यान, गौरव मोरे हा मराठी कलाविश्वातील लोकप्रिय अभिनेता म्हणून ओळखला जातो. महाराष्ट्राची हास्यजत्रा या कार्यक्रमातून तो खऱ्या अर्थाने नावरुपाला आला. गौरवने काही मराठी चित्रपटांमध्येही काम केलं असून ‘हवाहवाई’ या चित्रपटात तो महत्त्वपूर्ण भूमिकेत झळकला होता.