अनुजाला मिळाला पुरस्कार

‘तमन्ना’ या मालिकेत प्रमुख भूमिका साकारणारी अभिनेत्री अनुजा साठेला यंदाचा नर्गिस दत्त पुरस्कार देण्यात आला. अनुजा गेली सात वर्षं अभिनयक्षेत्रात आहे. तिने मराठी रंगभूमीवरून आपल्या कारकिर्दीला सुरुवात केली. मराठी मालिका, चित्रपट, नाटक यांमध्ये काम केल्यानंतर तिने बॉलिवुडमध्ये आपले भाग्य आजमावले. गेल्या वर्षी प्रदर्शित झालेल्या ‘बाजीराव मस्तानी’ या चित्रपटात तिने काम केले होते. या चित्रपटातील तिच्या भूमिकेचे कौतुकही झाले होते. अभिनयक्षेत्रात तिने आजवर दिलेल्या या योगदानासाठी तिला नर्गिस दत्त पुरस्काराने गौरवण्यात आले.