सोशल मीडियावरील लोकप्रिय इन्फ्ल्युन्सरपैकी एक इन्फ्ल्युन्सर म्हणजे कोकण हार्टेड गर्ल उर्फ अंकिता वालावकर. मालवणी भाषेतील व्हिडीओतून तिने नेटकऱ्यांच्या मनावर अधिराज्य गाजवले आहे. तिचे व्हिडीओ सोशल मीडियावर व्हायरल झाले आहेत. नुकतेच अंकिता छोट्या पडद्यावरील विविध कार्यक्रमात दिसली आहे. मात्र गेल्या काही दिवसात ती चर्चेत आली होती ते ओंकार भोजनेमुळे. कारण एका पॉडकास्टमध्ये ओंकारने अंकिताचा उल्लेख केला होता. त्यानंतर अंकिता आणि ओंकार यांच्या लिंकअपची चर्चा सुरू झाली. दरम्यान आता अंकिताने इन्स्टाग्रामवर नुकतेच एका हळदी समारंभातील फोटो शेअर केला आहे, त्यावर कमेंटमध्ये अनेकांनी ओंकारचे नाव घेत कमेंट्स केल्या आहेत.
अंकिता वालावलकर हिने नुकताच हळदी समारंभातील फोटो शेअर केला आहे. ज्यात तिने पिवळ्या रंगाचा ड्रेस घातला आहे. मागे हळद लिहिलेले दिसत आहे. तिचा हा फोटो पाहून अनेकांना तिच्याच हळद समारंभातील फोटो वाटतो आहे. मात्र तिने मजेशीर कॅप्शन देत हे स्पष्ट केले की तिची हळद नाही. अंकिताने हसण्याचे इमोजी कॅप्शनमध्ये देत म्हटले की, 'जर ही खरंच माझी हळद असती तर?' आता ज्यांनी हे कॅप्शन वाचली नाही त्यांना ती लग्न करतेय आणि तिने तिच्याच हळदीचा फोटो असल्याचे वाटत आहे.
एकीकडे नेटकऱ्याने तिचे खरेच लग्न असल्याचे वाटत आहे. त्यामुळे ते अभिनंदनाचा वर्षाव करत आहेत. तर दुसरीकडे काही नेटकऱ्यांनी कमेंटमध्ये ओंकार भोजनेच्या नावाने मजेशीर कमेंट्स केल्या आहेत.एका युजरने कमेंटमध्ये लिहिले की, 'ओंकार भोजने म्हणेल- उस रात अपून दो बजे तक पिया...', दुसऱ्या युजरने लिहिले की,' ओंकार भोजन कुठे आहे?' आणखी एकाने कमेंटमध्ये विचारले की, 'नवरोबाचे कान पिळायला ओंकार येणार आहे का?'
अशी सुरु झाली अंकिता आणि ओंकारच्या लिंकअपची चर्चाएका पॉडकास्ट मुलाखतीत ओंकार भोजनेला विचारण्यात आले होते की, तुला कुणी आवडते का, तुझी क्रश कोण आहे का? त्यावर ओंकारने उत्तर दिलेले की,'क्रश अशी नाही कुणी पण मला कोकण हार्टेड गर्ल आवडते. तिचा स्वभाव खूप आवडतो, ती ज्याप्रकारे काही सामाजिक मुद्दे उचलून धरते आणि त्या प्रकरणांवर बोलते, त्यामुळे तिला फॉलो करायला मला आवडतं.' या मुलाखतीनंतर अंकिता आणि ओंकार भेटले होते आणि त्यांचा एक फोटोही सोशल मीडियावर अंकिताने शेअर केला आहे.