मराठी सिनेसृष्टीत सध्या लगीनसराई जोरदार सुरू असल्याचं पाहायला मिळतंय. नुकतेच अभिनेता हार्दिक जोशी आणि अक्षया देवधर, आशय कुलकर्णी आणि सानिया गोडबोले, कृतिका तुळसकर-विशाल देवरुखकर या जोड्या विवाहबद्ध झाल्या आहेत. त्यानंतर आता आणखी एक छोट्या पडद्यावरचा लोकप्रिय अभिनेता लग्नबंधनात अडकणार आहे. आणि तो म्हणजे ठिपक्यांची रांगोळी मालिकेतील सर्वांचा लाडका शशांक. शशांक आणि अप्पू ही जोडी प्रेक्षकांमध्ये प्रचंड लोकप्रिय आहे. मात्र शशांक म्हणजेच अभिनेता चेतन वडनेरे (Chetan Vadnere) खऱ्या आयुष्यातही विवाहबद्ध होणार आहे. तो रुजुता धारप(Rujuta Dharap)सोबत लग्न करणार आहे. नुकतीच तिची मेहंदी सेरेमनी पार पडली. त्याचा व्हिडीओ समोर आला आहे.
अभिनेता चेतन वडनेरेने आपलं रिलेशनशीप कधीच लपून ठेवलं नव्हतं. अभिनेत्री रुजुता धारप आणि चेतन हे गेले अनेक दिवस एकमेकांना डेट करत आहेत. अनेकदा ते एकमेकांसोबत टाइम स्पेंड करतानासुद्धा दिसतात. नुकतेच चेतन वडनेरेने काही दिवसांपूर्वी पोस्ट शेअर केली आहे. ज्यामुळे ते दोघेही लवकरच विवाह करणार असल्याचे समजले.
या पोस्टमध्ये चेतनने रुजुताला टॅग करत काऊंटडाऊन बिगीन्स म्हटले होते. त्यानंतर आता रुजुताच्या मेहंदीच्या कार्यक्रमाचा फोटो आणि व्हिडीओ समोर आला आहे.