‘बिग बॉस मराठी 4’ (Bigg Boss Marathi 4 ) सुरू होऊन जवळपास 50 दिवस झाले आहेत. या 50 दिवसांत बिग बॉस मराठीच्या घरात वाद, प्रेम, चुगल्या, दंगा असं सगळं पाहायला मिळालं. अनेक भावुक क्षणही या घराने पाहिले. चावडीवरची महेश मांजरेकरांची ‘शाळा’ही प्रेक्षकांनी अनुभवली. आज रविवारी बिग बॉसच्या चावडीवर अपूर्वा नेमळेकर (Apurva Nemlekar) आणि किरण माने (Kiran Mane) यांच्यात खडाजंगी होताना दिसणार आहे. कलर्स मराठीने इन्स्टाग्रामवर आजच्या भागाचा प्रोमो व्हिडीओ शेअर केला आहे. या व्हिडीओमध्ये किरण माने आणि अपूर्वा नेमळेकर या दोघांत बाचाबाची होताना दिसतेय. व्हिडीओत किरण माने अपूर्वावर निशाणा साधताना दिसत आहेत.
‘एक वाक्य खूप छान होतं अपूर्वा आणि अक्षयचं... बिग बॉस ना ती अतिशय कॅज्युअली घेते...,’असं किरण माने म्हणतात आणि अपूर्वा भडकते. खोटारडा माणूस आहे तू... असं ती म्हणते. यावर ‘प्रोजेक्शच्या नावाखाली आक्रस्ताळेपणा करु नका. खूप हिडीस दिसतं ते..., असं किरण माने म्हणतात आणि अपूर्वा आणखीच बिथरते. ‘इथून साताऱ्यापर्यंत बोंबलत जा अपूर्वा म्हणजे प्रोजेक्शन. मी हिडीस दिसू दे नाहीतर कशीही दिसू दे.. मी माझं बघेन.. तू कसा दिसतोय ते बघ एकदा..., असं ती किरण मानेंना सुनावते. किरण माने व अपूर्वाचा हा वाद आता कुठल्या स्तराला जातो, हे बघणं इंटरेस्टिंग असणार आहे.
कोण होणार बाहेरकालच्या एपिसोडमध्ये यशश्री मसुरकर बिग बॉस मराठीच्या घरातून बाहेर पडली. आज आणखी एक स्पर्धक घराबाहेर पडणार आहे. दुहेरी एलिमिनेशच्या निर्णयामुळे सदस्यांचंही टेन्शन वाढलं आहे. आत्तापर्यंत बिग बॉसच्या घरातून सहा स्पर्धक बाहेर पडले आहेत. यामध्ये निखिल राजेशिर्के, मेघा घाडगे, योगेश जाधव, त्रिशूल मराठे, रुचिरा जाधव आणि यशश्री मसुरकर यांचा समावेश आहे.