आई कुठे काय करते (Aai Kuthe Kay Karte) ही मालिका सध्या उत्कंठावर्धक वळणावर आली आहे. मालिकेत लवकरच अरुंधतीचा पहिला अल्बम लाँच होणार आहे. अरुंधतीची प्रगती पाहून अनिरुद्ध आणि संजनाचा जळफळाट होताना दिसणार आहे.
मालिकेत नुकतीच आशुतोष अरुंधतीवरील एकतर्फी प्रेमाची कबुली देशमुख कुटुंबासमोर देतो. त्याचा फायदा घेत संजना ईशाला अरुंधती विरोधात भडकवते. तुझी आई आशुतोषसोबत लग्न करणार आहे आणि तुला याबद्दल काहीच माहित नाही. ईशा आशुतोषला भेटते आणि तिचा हा गैरसमज दूर होतो. लवकरच अरुंधतीचा पहिला म्युझिक अल्बम लाँच होणार आहे. त्यामुळे सध्या त्याचे प्लानिंग जोरदार सुरू आहे. देशमुख कुटुंबातील काही सदस्य खूप उत्सुक आहेत. तेदेखील या लाँचला उपस्थित राहणार आहेत.