गेल्या काही दिवसांपासून 'आई कुठे काय करते' (Aai Kuthe Kay Karte) या लोकप्रिय मालिकेत सर्वांची लाडकी अरुंधती गायब होती. अरुंधतीची भूमिका साकारणारी अभिनेत्री मधुराणी प्रभुलकर (Madhurani Prabhulkar) खऱ्या आयुष्यात ऑस्ट्रेलिया टूरवर गेली होती. त्यामुळे काही दिवस तिने मालिकेतून ब्रेक घेतला होता. मात्र आता अरुंधती परत आली असून आशुतोषच्या आनंदाला पारावर राहिलेला नाही. त्याने अरुंधतीला बघताच थेट मिठीच मारली आहे.
'आई कुठे काय करते' मालिकेत आशुतोषची बहीण वीणाची एंट्री झाली आहे. अनिरुद्धची बिझनेस पार्टनर म्हणून ती आली आहे. यामुळे आशुतोष आणि अनिरुद्ध यांच्यातही वाद होत आहेत. त्यातच अरुंधतीला परदेश दौऱ्यावर गेल्याचं दाखवण्यात आलं आहे. आशुतोषला अरुंधतीची खूपच आठवण येतीए. पण आता अरुंधती परत आली असून आशुतोष भलताच खूश झालाय. त्याने सर्वांसमोरच तिला मिठी मारली आहे. हा एपिसोड लवकरच प्रदर्शित होईल पण त्याआधी हा व्हिडिओ सोशल मीडियावर व्हायरल झालाय.
आता अरुंधतीला आल्यावर बऱ्याच गोष्टी समजणार आहेत. अनिरुद्ध आणि संजनामधील दुरावा, अनिरुद्ध आणि आशुतोष मधील भांडण, यशचा अपघात, घरात चोरीचा प्रयत्न अशा अनेक गोष्टी तिच्यासमोर येतील. तेव्हा ती या सगळ्याला कशी सामोरी जाणार याकडे प्रेक्षकांचं लक्ष लागलं आहे. दरम्यान अरुंधती परत आल्याने चाहतेही खूश झालेत.