पवनदीप राजनच्या बहिणीच्या लग्नात सहभागी झाली होती अरूणिता कांजीलाल, हळदीचा व्हिडीओ आला समोर

Arunita Kanjilal at Pawandeep Rajan's sisters Haldi : या व्हिडीओत अरूणिता पवनदीपच्या बहिणीला हळद लावताना दिसत आहे. यादरम्यान पवनदीपही तिच्याजवळ बसलेला दिसत आहे.

‘इंडियन आयडल १२ (Indian Idol 12)’ चा विजेता पवनदीप राजन (Pawandeep Rajan) ची बहीण  चांदनी राजनचं लग्न नुकतंच उत्तराखंडमध्ये झालं. पवनदीपच्या बहिणीच्या हळदीचा व्हिडीओ समोर आला आहे. ज्यात अरूणिता कांजीलाल (Arunita Kanjilal) ही दिसत आहे. यावरून हे स्पष्ट दिसत आहे की, या लग्नात अरूणिताही सहभागी झाली होती. सोशल मीडियावर हा व्हिडीओ व्हायरल झाला आहे.

या व्हिडीओत अरूणिता पवनदीपच्या बहिणीला हळद लावताना दिसत आहे. यादरम्यान पवनदीपही तिच्याजवळ बसलेला दिसत आहे. इंडियन आयडल १२ मध्ये दोघांच्याही गायनासोबतच या दोघांच्या केमिस्ट्रीचीही चर्चा रंगली होती. दोघांच्या अफेअरचीही सतत चर्चा होत होती. 

View this post on Instagram

A post shared by PawandeepXArunita (@_arudeepxshine_)

दोघांच्या केमिस्ट्रीने आणि त्यांच्या गायकीने त्यांना या शोचं विनर बनवलं होतं. पवनदीप विजेता ठरला होता तर अरूणिता शोची फर्स्ट रनर अप होती. शो संपल्यानंतर पवनदीप आणि अरूणिता जोडी व्हिडीओ सॉंगच्या माध्यमातून समोर आली होती. त्यांचं 'मंजूर दिल' हे गाणं रिलीज झालं होतं. 

पवनदीप राजन आणि अरूणिता कांजीलाल या जोडीबाबत इंडियन आयडल १२ दरम्यान अशी चर्चा झाली होती की, दोघांमध्ये काहीतरी सुरू आहे. पण दोघांनीही ही चर्चा अफवा असल्याचं सांगितलं होतं. पवनदीप आणि अरूणिताने एका मुलाखतीदरम्यान हे स्पष्ट केलं होतं की, दोघांची केवळ चांगली मैत्री आहे. पण त्यांच्या फॅन्सची इच्छा होती की, ही जोडी नेहमीसाठी सोबत रहावी.