Big Boss 16 : बॉलिवूडचा दबंग सलमान खान (Salman Khan) बिग बॉस मध्ये नेहमी धमाल करत असतो. घरातील स्पर्धकांना जेवढं तो झापतो तेवढंच तो सर्वांना हसवतो. पण आता बिग बॉस मध्ये कॉमेडीची क्वीनच आली आहे आणि ते पण एकटी नाही तर तिच्या लेकाला घेऊन. भारती सिंग (Bharati Singh) तिचा पती हर्ष आणि मुलगा लक्ष ला घेऊन बिग बॉसमध्ये आली आणि एकच धमाल आली.
सलमान आणि गोलाची मस्ती
भारती सिंगचा मुलगा लक्ष ज्याला लाडाने गोला ही म्हणतात तो खूपच क्यूट असून सलमानलाही त्याची भूरळ पडली. काही वेळासाठी लक्ष ला सलमानच्या कडेवर देत भारती आणि हर्ष घरात गेले. यावेळी सलमान खान लक्ष ला खेळवत होता आणि लक्षही शांतपणे त्याच्याकडे राहिला.यावेळी सलमानने लक्ष ला त्याचे ब्रेसलेट गिफ्ट दिले.
यावेळी भारतीने सलमानला विचारले, 'तुमचे पनवेलचे फार्महाऊस कधी रिकामे करणार आहात ? हे ऐकून सलमान बुचकळ्यात पडतो. यानंतर भारती एक पेपर दाखवते आणि म्हणते तुमची यावर सही आहे. हा पनवेलच्या फार्महाऊसचे पेपर्स आहेत. हे ऐकून सर्वच हसायला लागतात.
बिग बॉसमध्ये विकेंड का वार मध्ये भारती सिंगने खूप कॉमेडी केली आहे जे पाहून प्रेक्षकांचे भरपूर मनोरंजन होणार आहे.