झी मराठी (Zee Marathi) वाहिनीवरील 'सारं काही तिच्यासाठी' (Sara Kahi Tichyasathi) मालिकेला अल्पावधीतच प्रेक्षकांची चांगलीच पसंती मिळाली. दादा खोतांचे कुटुंब घराघरात लोकप्रिय झालं. आता ही मालिका रंजक वळणावर आली आहे. एकीकडे निकीता नीरज आणि निशीच्या नात्यात तणाव निर्माण करते आहे. तर दुसरीकडे श्रीनु ओवी ऐवजी चारूसोबत लग्न करायला तयार झाला आहे. त्यात ओवीला चारू खोटे नाटक करून श्रीनूसोबत लग्न करत असल्याची शंका आहे आणि अखेर ती चारूचा पोलखोल करताना दिसणार आहे.
'सारं काही तिच्यासाठी' मालिकेचा नवीन प्रोमो समोर आला आहे. यात पाहायला मिळत आहे की, मुंबईतील एका हॉटेलमधून एक कागद सापडतो, तो कागद ओवीच्या हाती लागतो. ओवी विजयला मुंबईत माहिती गोळा करण्यास सांगते आणि लॅब असिस्टंटकडून खरे रिपोर्ट्स मागवते. तर दुसरीकडे श्रीनू आणि चारू यांचा हळदी समारंभ सुरु असताना ओवी पुरावे गोळा करण्याच्या कामात गुंतलेली आहे. ओवी आपल्या सापळ्यात डॉक्टरला अडकवते आणि ती श्रीनू आणि चारूच्या लग्नाला हजर होते. ओवी डॉक्टरला घेऊन येते, तर विजय हॉटेल मॅनेजरला घेऊन येतो, ज्यामुळे चारुचं खोटं सर्वांसमोर येते.
आता चारू आणखी काय नवीन डाव टाकेल? ओवी आणि श्रीनु परत एकत्र येतील का? श्रीनू समोर चारूचे सत्य आल्यावर तो काय करणार हे सगळे पाहायला विसरू नका ' सारं काही तिच्यासाठी' सोमवार ते शनिवार रात्री ६:३० वा. फक्त आपल्या झी मराठीवर