Bigg Boss 11: ये रिश्ता क्या कहलाता है फेम अक्षरा म्हणजेच हिना खानची होणार एंट्री

'ये रिश्ता क्या कहलाता है' मालिकेत  अक्षरा म्हणून घराघरात पोहचलेली अभिनेत्री हिना खान आता 'बिग बॉस 11' मध्ये स्पर्धक म्हणून सहभागी होणार आसल्याची माहिती मिळतेय. हिना खान मालिकेत संस्कारी बहू अक्षराच्या भूमिकेत झळकत होती. कामात काहीतरी नाविन्य असावे त्यामुळे हिनाने ही मालिका सोडली आणि रिअॅलिटी शो 'खतरों के खिलाडीच्या 8' पर्वात झळकली.या शोमध्ये हिनाचा पूर्वी कधीही न पाहिलेला बोल्ड आणि बिनधास्त रूप पाहायला मिळाले. या शोमध्ये रोहित शेट्टीने दिलेले सगळेच खतरनाक स्टंट तिने यशस्वीरित्या पूर्ण केले. या शोमध्ये तिची उत्तम कामगिरी पाहाता हिना खानच 'खतरों के खिलाडी 8' व्या पर्वाची विजेती ठरणार असल्याचे बोलले जात होते.मात्र हिना खान नाहीतर शंतून महेश्वरीने या शोचे विजेतेपद आपल्या नावावर केले.तेव्हापासून आता हिना खानलाही रिअॅलिटी शोचे विजेता बनण्याचे आपले स्वप्न पूर्ण करायचे आहे. त्यामुळेच की काय आता 'बिग बॉसच्या 11' व्या पर्वात ती सहभागी होण्यासाठी तिने निर्मात्यांना होकारही कळवला असल्याचे कळतंय. काही दिवसांपूर्वीच आलेल्या माहितीनुसा हिनाने 'बिग बॉस 11' साठी नकार दिला होता.मात्र आता तिचा हा नकार होकारात बदलला आहे. त्यामुळे छोट्या पडद्यावर अक्षराची लोकप्रियता इनकॅश करण्यासाठी चॅनलने हिनाला या शोमध्ये सहभागी होण्यासाठी ऑफर दिली होती. इतकेच नव्हे तर शोमध्ये सहभागी होण्यासाठी भारीभक्कम रक्कमही चॅनलने हिनाला दिली असल्याचे समजतंय. त्यामुळे 'ये रिश्ता क्या कहलाता है' म्हणत 'खतरों के खिलाडी' बोल्ड आणि बिनधास्त बनलेली ही अक्षरा म्हणजेच हिना खान आता 'बिग बॉस 11'मध्ये काय कमाल करणार  हे पाहणे रंजक ठरणार आहे.बिग बॉस म्हटलं की घरात होणारे वादविवाद, अचानक फुलणारे प्रेमअंकुर असे अनेक गोष्टी यावेळी या शोमध्ये असणार आहेतच.वेगळे असणार आहे ते ते फक्त या शोची थिम.बिग बॉस 11 या कार्यक्रमाच्या यंदाच्या सिझनमध्ये प्रेक्षकांना शेजारी शेजारी ही थिम पाहायला मिळणार आहे. यंदा बिग बॉसच्या घरातील मंडळी दोन घरात विभागली जाणार असून ते एकमेकांचे शेजारी-शेजारी असणार आहे. (Also Read: Bigg Boss 10ची स्पर्धक मोनालिसाने मिळवली लोकप्रियता,आता मुंबईत घेतला आशियाना)