‘बिग बॉस 15’ (Bigg Boss 15) हा शो सध्या जाम चर्चेत आहे. फिनाले जसा जसा जवळ येतोय, तसे स्पर्धकांचे खरे चेहरे दिसायला लागले आहेत. सर्वाधिक चर्चा आहे ती अभिजीत बिचुकलेची (Abhijeet Bichukale). तुम्हाला आठवत असेलच की, काही दिवसांपूर्वी बिचुकलेने ‘किस’चा तगादा लावून देवोलिना भट्टाचार्जीला (Devoleena Bhattacharjee) अनकम्फर्टेबल केलं होतं. यावरून बिग बॉसच्या घरात आणि घराबाहेर जोरदार ‘हंगामा’ झाला होता. सलमान खानने सुद्धा वीकेंड का वार मध्ये यावरून बिचुकलेची शाळा घेतली होती. पण कदाचित भाईजानच्या बोलण्याचा बिचुकलेवर काही एक परिणाम झालेला नाही. ताज्या एपिसोडमध्ये बिचुकलेने जे काही केलं ते पाहून तरी हेच वाटतंय.
ताज्या एपिसोडमध्ये बिचुकलेने पुन्हा एकदा मर्यादा ओलांडत देवोलिना भट्टाचार्जीसोबत घाणेरडा विनोद केला. त्याचा हा विनोद ऐकून देवोलिनाच्या चेहºयावरचे भाव एकदम बदलले पण तिने हसत हसत परिस्थिती सांभाळली.
बिचुकले व देवोलिना गार्डनमध्ये बसले असताना त्याने तिला वेस्टर्न ड्रेस घाल,असं सुचवलं. तू वेस्टर्न ड्रेस घाल आणि मी शाहरूखची अ‍ॅक्टिंग करतो. मी सलमान बनावं, अशी अपेक्षा मात्र करू नकोस, कारण माझे अ‍ॅब्स नाहीत, असं बिचुकले म्हणतो. बिचुकलेच्या या गोष्टींमुळे काहीसी इरिटेड झालेली देवोलिना विषय बदलण्याचा प्रयत्न करत, ‘आज मौसम काफी ठंडा है,’ असं म्हणते. मग काय, तिचं ते ऐकून बिचुकले एकदम रंगात येऊन, ‘तो फिर इमरान हाश्मी वाला कर ले क्या?, असं देवोलिनाला म्हणतो. हे ऐकून देवोलिना एकदम उठून उभी होते आणि बिचुकलेला माफी मागण्यास म्हणते.
याआधीही प्रतीक सहजपालसमोर बिचुकले देवोलिनाबद्दल नको ती कमेंट्स करताना दिसला होता. ‘तीखी मिर्ची लगती है ये, वडापाव की मिर्ची, ऐसा खाऊंगा ना तुझे,’असं बिचुकले म्हणाला होता. त्याचं ते वाक्य ऐकून प्रतिक बिथरला होता. देवोलिना, हे सगळं ऐकून तू कम्फर्टेबल आहेस का? नसशील तर आधी तू बोलायला हवं,मगच आम्ही तुझी मदत करू शकतो, असं प्रतिक देवोलिनाला म्हणताना दिसला होता. यावर मला त्याच्या गोष्टी अनकम्फर्टेबल करतात, मी त्याच्याशी यावर बोलले, असं देवोलिना म्हणाली होती.