‘बिग बॉस ओटीटी’ (Bigg Boss OTT) सध्या वेगवेगळ्या कारणानं गाजत असताना आता ‘बिग बॉस 15’ (Bigg Boss 15)चीच चर्चा सुरू झाली आहे. ‘बिग बॉस ओटीटी’ पूर्ण झाल्यावर हाच शो टीव्हीवर शिफ्ट होणार आहे. आता ‘बिग बॉस 15’ चा नवा प्रोमो रिलीज झाला आहे आणि हा प्रोमो पाहून चाहत्यांची उत्सुकता शिगेला पोहोचली आहे.या प्रोमोत सलमान खान (Salman Khan) बिग बॉसचे घर शोधताना दिसतो आणि सदाबहार रेखाचा आवाज ऐकून उत्सुकता ताणली जाते. प्रोमोमध्ये सलमान खान बिग बॉसचं घर शोधत एका जंगलात पोहोचलेला दिसतो. अशात एका झाडाखाली बसलेला असताना त्याला झाडामागून एक आवाज येतो. ‘सलमान, गेल्या 15 वषार्पासून तुझी वाट पाहत होते...आता कुठे मनाला शांती मिळाली...,’ असा संवाद त्याच्या कानी पडतो.
यावर ‘मी तुमचा खूप आभारी आहे विश्वसुंदरी.. पण इथेच कुठे तरी बिग बॉसचं होतं. पण आता ते कुठे दिसतंच नाही...,’ असं सलमान म्हणतो. त्यावर ‘यावेळेला घरातील सदस्यांना आधी जंगल करावं लागणार पार, त्यानंतर खुलणार बिग बॉसच्या घरचं दार....,’ असं विश्वसुंदरी तिला सांगते. यावर ‘संकट इन जंगल, फैलाएगा दंगल पे दंगल...,’ असं सलमान म्हणतो.‘बिग बॉस 15’ चा हा प्रोमो सध्या तुफान व्हायरल होतोय. सलमान खान होस्ट करणार असलेल्या या शोच्या या सीझनमध्ये काय काय टिष्ट्वस्ट अन् टर्न येतात, ते पाहण्यास प्रेक्षक उत्सुक आहेत.टीव्हीवर सुरू होण्याआधी ‘बिग बॉस ओटीटी’ सुरू झालं आहे. ‘बिग बॉस ओटीटी’ करण जोहर होस्ट करतोय. तूर्तास ‘बिग बॉस ओटीटी’च्या घरात स्पर्धकांचा वाद पाहायला मिळतोय.