एकीकडे ‘बिग बॉस 15’चा (Bigg Boss 15) फिनाले जवळ येतोय आणि दुसरीकडे घरातील राडे वाढले आहेत. तगडी स्पर्धा आहेच पण सोबत भांडणांनाही जोर चढला आहे. बिग बॉसच्या घरात अलीकडे 4 नव्या चॅलेंजर्सची एन्ट्री झाली आणि यानंतर घरातील सगळं वातावरण बदललं. विशाल सिंह, सुरभी चंद्रा, मुनमुन दत्ता आणि आकांक्षा पुरी यांनी घरात एन्ट्री केली आणि येताच ‘टिकिट टू फिनाले’वर कब्जा केला. बिग बॉसने स्पर्धकांना या चॅलेंजर्सच्या हातातून ‘टिकिट टू फिनाले’ हिकावण्याचा टास्क दिला आहे. पण या टास्कदरम्यान अभिजीत बिचुकले (Abhijit Bichukale) व देवोलिना भट्टाचार्जी (Devoleena Bhattacharjee) असे काही भिडले की, अगदी बिचुकले देवोलिनाच्या अंगावर धावून गेला.
याचा प्रोमो रिलीज झालाये. ‘तेरे ऊपर तो थुकना ही चाहिए,’ असं देवोलिना म्हणते आणि बिचुकलेचा राग अनावर होतो. तो देवोलिनाला ‘बंदरिया’ म्हणतो. बघता बघता हा वाद इतका विकोपाला गेला की, बिचुकले देवोलिनाला मारायला धावतो. तो आक्रमक झालेला पाहून प्रतिक सेहजपाल मध्यस्थी करतो. पण बिचुकले त्याच्यावरच उलटतो. देवोलिनाला प्रतिक आवडतो, हे माहित पडल्यापासून बिचुकले चिडलेला आहे. तो क्षणाक्षणाला प्रतिकला डिवचण्याचा प्रयत्न करतो.
या भांडणातही बिचुकलेने प्रतिकला डिवचण्याचाच प्रयत्न केला. ‘ये है वो दरिंदा’, असं तो म्हणातो आणि ते ऐकून प्रतिकचाही पारा चढतो. अभिजीत माईक फेकून शर्ट काढून प्रतिकला चॅलेंज करतो. अगर एक बाप की औलाद है तो मार मुझे, असं म्हणून तो प्रतिकलाही मारायला धावतो. हे पाहून देवोलिना अभिजीतवर तुटून पडते.