Bigg Boss 16 : सध्या बिग बॉस 16 मध्ये अनेक ट्विस्ट आणि टर्न्स बघायला मिळत आहेत. अनेक स्पर्धकांचे खरे रुप समोर आहे. मैत्री किंवा शत्रूत्व यात सगळे अडकले आहेत. नव्या ट्विस्टनुसार अंकित गुप्ताला अचानक घरातून बाहेर काढले आहे. यामुळे चाहते चांगलेच भडकलेत. एका चाहत्याने थेट बिग बॉसला नाराजीचे पत्र लिहिले आहे.
'बिग बॉस 16'मध्ये अकित गुप्ताने सर्वांचे मन जिंकले आहे. तो इतर वेळी अनेकदा शांत दिसतो पण टास्कच्या वेळी त्याचा उत्साह पाहून चाहते खूश होतात. मात्र त्याला आता घरातून बाहेर काढल्याने हा त्याच्यावर झालेला अन्याय असल्याचं चाहत्यांनी म्हणलं आहे. नेमकं झालंय काय?
या आठवड्यात सर्वांनी मिळून सदस्य प्रियांका चौधरीला एकटं पाडण्याचा प्लॅन केला. यासाठी अंकित गुप्ताला नॉमिनेट करण्यात आलं. बिग बॉसने प्रियांका समोर पर्याय ठेवला.जेतेपदाची रोख रक्कम २५ लाख रुपये गमावून अंकितला वाचवण्याचा पर्याय प्रियांकाला देण्यात आला. थोडा विचार करुन प्रियांकाने आपल्या खास मित्राला वाचवल पण त्याला बेघर होण्यापासून वाचवू शकली नाही. एलिमिनेशन मध्ये सदस्यांनी अंकितलाच बाहेर काढलं.
यानंतर चाहते सोशल मीडियावर एकवटले आहेत. अंकित गुप्ता ला बाहेर काढल्याने चाहते बिग बॉस आणि सलमान खानवरही नाराज झाले आहेत. एकाने तर बॉग बॉस ला नाराजीचे पत्रच लिहिले आहे. एखाद्या सदस्यासोबत इतकी वाईट वागणूक बरोबर नाही. तेही नॅशनल टेलिव्हिजनवर. तर दुसऱ्याने बिग बॉस स्कॅम करत असल्याचं सांगितले आहे.