Bigg Boss 16 First Contestant : बिग बॉसच्या चाहत्यांसाठी एक आनंदाची बातमी आहे. होय, ‘बिग बॉस 16’चा (Bigg Boss 16) प्रोमो रिलीज झाला आहे. सलमान खान होस्ट करत असलेला हा शो येत्या 1 ऑक्टोबरपासून सुरू होतोय. साहजिकच बिग बॉसच्या घरात यंदा कोण कोण जाणार? हे जाणून घेण्यास चाहते उत्सुक आहेत आणि ही उत्सुकता ताणून धरण्याचं काम बिग बॉसच्या मेकर्सनी उत्तम प्रकारे केलं आहे. होय, बिग बॉस मेकर्सनी शोच्या पहिल्या कन्फर्म कंटेस्टंटचा प्रोमो शेअर केला आहे. अर्थात त्याचा चेहरा उघड केलेला नाही.
कलर्स टीव्हीच्या अधिकृत इन्स्टाग्राम हँडलवर एक इन्स्टा स्टोरी शेअर करण्यात आली आहे. या व्हिडीओत शोचा पहिला स्पर्धक दिसतोय. पण त्याने फेस मास्क घातलेलं असल्याने तो कोण? हे ओळखणं जरा कठीण आहे. हा प्रोमो पाहून बिग बॉस प्रेमींची उत्सुकता मात्र शिगेला पोहोचली आहे. फेस मास्क घातलेला हा स्पर्धक कोण? हे गेस करण्यात चाहते गुंतले आहेत.
तुम्ही ओळखलंत? ‘बिग बॉस 16’मध्ये जाणारा पहिला स्पर्धक कन्फर्म झाला आहे. त्याचं नाव अद्याप उघड करण्यात आलेलं नसलं तरी, चाहत्यांनी अंदाज बांधायला सुरूवात केली आहे. प्रोमोतील फेस मास्क घातलेला अभिनेता अन्य कुणी नसून ‘साथ निभाना साथिया 2’ फेम गौतम विज असल्याचा दावा चाहते करत आहेत.व्हिडिओमध्ये फेसमास्क घातलेला अभिनेता अनेक प्रश्नांची उत्तरं देताना दिसतोय. तुझा आत्तापर्यंतचा बिग बॉसचा आवडता स्पर्धक कोण? यावर तो असीम रियाज व सिद्धार्थ शुक्लाचं नाव घेतो. बिग बॉसच्या घरात जाण्याबद्दल तो म्हणतो, बिग बॉस ही अशी जागा आहे, जिथे तुम्ही रिअल असता. मालिकेत तुम्ही फक्त एक भूमिका साकारत असता. पण बिग बॉसच्या घरात तुम्ही तुम्ही असता. तुमचा रिअल फेस सगळ्यांना दिसतो.