Bigg Boss 16 Trophy: बहुचर्चित टीव्ही रिअॅलिटी शो बिग बॉस-16 चा आज ग्रँड फिनाले आहे. यंदाचे सीझन मागील सर्व सीझनपेक्षा खूप वेगळ्या पद्धतीने डिझान करण्यात आले होते. या सीझनमध्ये पूर्वीपेक्षा बऱ्याच नवीन गोष्टी पाहायला मिळाल्या. आता आज या शो चा फिनाले असून, विजेत्याला एक खास सोन्याची हिरेजडीत ट्रॉफी मिळणार आहे.
यंदाचा शो खूप खास आणि वेगळा असल्याने निर्मात्यांनीही शोची ट्रॉफी खूप वेगळी बनवली आहे. बिग बॉस सीझन 16 मध्ये एक नाव वारंवार घेतले जात आहे आणि ते नाव आहे घोडा. या मोसमात घोड्याचे नाव अनेकवेळा पुन्हा वापरले गेले. यातच शोच्या निर्मात्यांनी सीझन 16 ची ट्रॉफी उघड केली. ही ट्रॉफीही घोड्याच्या आकारात बनवली आहे. मात्र, ही ट्रॉफी काही सामान्य ट्रॉफी नाही.
घोड्याच्या डोक्याच्या आकाराची ही ट्रॉफी खूपच स्टायलिश आणि अनोखी आहे. निर्मात्यांनी खूप विचार करून ही ट्रॉफी बनवली आहे. या ट्रॉफीमध्ये गोल्ड आणि हिऱ्याचे काम करण्यात आले आहे. ट्रॉफीची किंमती ऐकून तुम्ही थक्क व्हाल. मिळालेल्या माहितीनुसार, हिरे आणि सोन्याने बनवलेल्या या ट्रॉफीची किंमत 9 लाख 34 हजार आहे. म्हणजे सुमारे 10 लाख. ट्रॉफीवर हिऱ्यांचे सुरेख काम करण्यात आले आहे. त्यावर बिग बॉसचा लोगो म्हणजेच डोळा देखील दिसत आहे.