टीव्हीवरील सर्वात प्रसिद्ध आणि वादग्रस्त शो 'बिग बॉस 16' (Bigg Boss 16) लवकरच सुरू होणार आहे. त्यासाठी आता स्टार्सना आमंत्रण पाठवण्यात येत आहे. आतापर्यंत अनेक स्टार्सची नावे समोर आली आहेत आणि त्यापैकी एक नाव आहे, ज्याचे करिअर एका आरोपामुळे उद्ध्वस्त झाले होते आणि आता तो अभिनेता पुन्हा एकदा टीव्हीवर दिसणार आहे
'बिग बॉस 16' लवकरच टीव्हीवर लवकर सुरु होणार आहे. शोचे निर्माते या सीझनसाठी स्टार्सशी संपर्क साधू लागले आहेत. 'बिग बॉस 16' मध्ये सहभागी होण्यासाठी सुप्रसिद्ध YouTuber आशिष चंचलानी यालाही ऑफर पाठवण्यात आल्याची बातमी अलीकडेच आली आहे. शोच्या निर्मात्यांनी बॉलिवूड अभिनेता शायनी आहुजा (Shiney Ahuja) ला बिग बॉसमध्ये सहभागी इव्हेट केलं आहे. शायनी अहुजावर मोलकरीणवर बलात्कार केल्याचा आरोुप आहे.
टेलिचक्कर रिपोर्टनुसार, सध्या शायनी आहुजा आणि 'बिग बॉस 16'चे निर्माते यांच्यात चर्चा सुरू आहे. जर सर्व काही ठीक झाले तर शायनी आहुजा 'बिग बॉस 16' मध्ये दिसणार आहे. मात्र, या वृत्ताबाबत शायनी आहुजाने अद्याप कोणतेही वक्तव्य केलेले नाही. शायनी आहूजाने मॉडेलिंगपासून करिअरची सुरुवात केली. शायनी बॉलिवूडमध्ये पहिल्यांदा 'हजार ख्वाइशीं ऐसी' या चित्रपटातून घराघरात पोहोचला.. गँगस्टर, वो लम्हे आणि लाइफ इन मेट्रो यासारख्या चित्रपटांद्वारे शायनाने बॉलिवूडला एक उदयोन्मुख स्टार दिला.
मोलकरणीवर बलात्काराचा आरोप शायनीवर 2009 मध्ये त्याच्या घरात काम करणाऱ्या मोलकरणीने बलात्काराचा आरोप केला होता. त्यावेळी या प्रकरणातून संपूर्ण देशात खळबळ उडाली होती. शायनीने हा आरोप नाकारला राहिला. २०११ मध्ये त्याची जामिनावर सुटका झाली असली तरी या प्रकरणात शायनी आहुजाला सात वर्षांची शिक्षा सुनावण्यात आली आहे.या आरोपानंतर शायनीचे बॉलिवूडमधले करिअर संपुष्टात आले. मोठ्या ब्रेकनंतर शायनी २०१२ मध्ये ‘घोस्ट’ या सिनेमात दिसला. पण हा चित्रपट दणकून आपटला. यापश्चात २०१५ मध्ये ‘वेलकम बॅक’मधून त्याने कमबॅक केले. पण यातील शायनीची भूमिका इतकी छोटी होती की, त्याच्या या भूमिकेची साधी दखलही कुणी घेतली नाही. यानंतर शायनी मोठ्या पडद्यावरून पुरता गायब झाला आहे.