Rapper MC Stan : बिग बॉस 16 चा विजेता (Bigg Boss 16 winner) एमसी स्टॅन (MC Stan) सध्या एका वेगळ्याच कारणानं चर्चेत आला आहे. होय, एमसी स्टॅनचं नाव एक ना अनेक वादांसोबत जोडलं जातंय. अब्दू रोझिक व एमसी स्टॅन यांच्यातील भांडण चव्हाट्यावर आलंय. त्यातच आता स्टॅनचा एक व्हिडीओ व्हायरल होतोय. हा व्हिडीओ पाहून अनेकांना धक्का बसला आहे. सेल्फी घेण्यासाठी आलेल्या एका चाहत्याला एमसी स्टॅन मारहाण करताना या व्हिडीओत दिसतोय.
बिग बॉसचं विजेतेपद मिळवल्यानंतर एमसी स्टॅन देशभरात लाइव्ह कॉन्सर्ट करत आहे. एमसी स्टॅनला लाईव्ह पाहण्यासाठी चाहते गर्दी करत आहेत. अशाच एका कॉन्सर्टदरम्यान एमसी स्टॅन् आपल्या बॉडीगार्डसह एन्ट्री घेतो. त्यावेळी चाहते त्याला घेराव घालत सेल्फीची मागणी करतात. पण यामुळे स्टॅन अचानक भडकतो. व्हिडीओत तो सर्वांवर ओरडताना दिसतोय. इतकंच नाही तर चाहत्यांच्या अंगावर धावून गेल्याचंही पाहायला मिळतंय. सोशल मीडियावर हा व्हिडीओ वेगाने व्हायरल होतोय. एमसी स्टॅनने किंवा त्याच्या टीमने याबाबत कुठलीही प्रतिक्रिया दिलेली नाही. मात्र एमसीचं हे वागणं पाहून चाहते निराश आहेत. अनेकांनी यावर संतप्त प्रतिक्रिया दिल्या आहेत. याच्या डोक्यात हवा गेली, अशा आशयाच्या कमेंट्स चाहते देत आहेत.
अब्दू व एमसी स्टॅन्चा वादगेल्या काही दिवसांपासून अब्दू रोझिक व एमसी स्टॅन यांचं बिनसलं आहे. अलीकडे अब्दूने एक व्हिडीओ शेअर करत एमसी स्टॅनवर अनेक गंभीर आरोप केले होते. आता अब्दू रोझिकच्या टीमने निवेदन जारी करत त्याच्यावर आणखी गंभीर आरोप केले आहेत. स्टॅनच्या मॅनेजरवर शिवीगाळ व कारचं नुकसान केल्याचा आरोप अब्दूच्या टीमकडून करण्यात आला आहे. “११ मार्चला अब्दू व स्टॅन दोघेही बंगळूरमध्ये होते. त्यावेळी अब्दूने एमसी स्टॅनच्या मॅनेजरला त्याच्या कॉन्सर्टमध्ये उपस्थित राहून त्याला पाठिंबा देण्याची इच्छा व्यक्त केली होती. परंतु, स्टॅन इच्छुक नसल्याचं त्याच्या मॅनेजरने सांगतिलं. त्यानंतर अब्दूने तिकीट काढून स्टॅनच्या कॉन्सर्टला उपस्थित राहण्याचा प्रयत्न केला. पण स्टॅनने त्याच्या मॅनेजरला अब्दूला बाहेर काढण्याबरोबरच त्याच्या कारचं पॅनल तोडून नुकसान करण्यास सांगितलं”, असं निवेदनात म्हटलं आहे.