छोट्या पड्यावरील वादग्रस्त शो बिग बॉस 17 (bigg boss 17) आता अंतिम टप्प्यात पोहोचला आहे. लवकरच या कार्यक्रमाचा ग्रँड फिनाले सोहळा रंगणार आहे. त्यामुळे सध्या हा कार्यक्रम वेगवेगळ्या कारणासाठी चर्चेत येत आहे. नुकतीच बिग बॉसच्या घरात पत्रकार परिषद पार पडली. यावेळी मुनव्वरने चक्क बिग बॉसवरच त्याचं घर उद्धवस्त केल्याचा आरोप केला आहे. त्याचा व्हिडीओ सध्या सोशल मीडियावर व्हायरल होत आहे.
सध्या सोशल मीडियावर मुनव्वरचा एक व्हिडीओ व्हायरल होत आहे. हा व्हिडीओ कलर्स टीव्हीने त्यांच्या अधिकृत इन्स्टाग्राम पेजवर शेअर केला आहे. या व्हिडीओमध्ये त्याने बिग बॉसमुळे माझा संसार मोडला असं म्हटलं जातं. या पत्रकार परिषदेत 'मुनव्वर ज्याप्रकारे तुझे रिलेशनशिप समोर आले आहेत. तर असं वाटतं नाही का, बिग बॉससाठी मुन्ना बदनाम झाला?' असा प्रश्न त्याला विचारण्यात आला.
उत्तर देत काय म्हणाला मुन्नवर?
"बिग बॉसने यावेळी शोमध्ये तीन घरं केली. मात्र, माझे दोन संसार, घर उद्धवस्त केले आहेत", असं उत्तर त्याने दिलं. त्याच्या या उत्तराने घरातील सगळेच सदस्य थक्क झाले.
दरम्यान, आता सध्या बिग बॉसच्या घरात मुनव्वर फारुकी, अंकिता लोखंडे, विकी जैन, मन्नारा चोप्रा, अरुण शेट्टी, अभिषेक कुमार हे सदस्य राहिले आहेत. नुकतीच या घरातून इशा मालविया बाहेर पडली आहे. त्यामुळे २८ जानेवारीला रंगणाऱ्या ग्रँड फिनाले सोहळ्यात कोणता स्पर्धक बिग बॉस १७ ची ट्रॉफी जिंकणार याकडे नेटकऱ्यांचं लक्ष लागलं आहे.