बिग बॉस : सलमान खाननंतर बिग बॉसनेही स्वामी ओमला फटकारले

आतापर्यंतच्या बिग बॉसच्या सिझनमधील सर्वाधिक वादग्रस्त स्पर्धक म्हणून स्वयंघोषित बाबा स्वामी ओम यांच्या नावावर शिक्कामोर्तब झाले आहे. गेल्याच आठवड्यात सलमानने स्वामी ओमला अतिशय संतापात ‘तू स्वामी म्हणण्याच्या लायकीचा नाहीस’ अशा एकेरी शब्दात सुनावले होते. आता बिग बॉसनेही स्वामी ओमच्या घरातील कारनाम्यांवर तीव्र नाराजी व्यक्त करीत फटकारले आहे. }}}} ">http://

}}}} ">Housemates have a task to write love letters to their crush inside the house; but #PriyankaJagga & #OmSwami will be the villains! #BB10pic.twitter.com/7TYUm2R5a9— Bigg Boss (@BiggBoss) December 20, 2016

त्याचे झाले असे की, या आठवड्यात बिग बॉसने घरातील सदस्यांसाठी एक आगळा-वेगळा टास्क देताना निर्माण झालेल्या जोडप्यांना एकमेकांप्रती असलेले प्रेम पडताळून पाहण्यासाठीची एक संधी दिली. त्यानुसार ‘गौरव चोपडा-बानी जे’, ‘रोहन मेहरा-लोपामुद्रा राऊत’, ‘मनू पंजाबी-मोनालिसा’ आणि ‘मनवीर गुर्जर-नितीभा कौर’ या लव्हबर्ड्सना आपल्या जोडीदाराला ‘प्यार का तोफा’ द्यायचा असतो. आपल्या जोडीदाराला ‘प्रेमपत्र किंवा गिफ्ट’ देण्याची जबाबदारी घरातील पुरुषमंडळींवर असते. त्यामुळे घरात अतिशय रोमॅँटिक वातावरण निर्माण होते. मात्र या रोमॅँटिक वातावरणात अडथळा निर्माण करण्यासाठी प्रियंका जग्गा आणि स्वामी ओम यांना खलनायकाची भूमिका बजवायची असते. }}}} ">http://

#PriyankaJagga & #OmSwami are given a task to obtain the love letters. Watch Om swami getting violent tomorrow! #BB10— Bigg Boss (@BiggBoss) December 19, 2016

प्रेमपत्र किंवा गिफ्ट फाडून-तोडून टाकण्यासाठी हे दोघेही लव्हबडर््सच्या मार्गात अडथळे निर्माण करतात. अशात रोहन मेहरा आपली प्रियसी अर्थात लोपामुद्रासाठी एक गिफ्ट घेऊन येतो. मात्र मध्येच त्याला स्वामी ओम रोखतात. दोघांमध्ये या गिफ्टवरून चांगलीच हातापायी होते. एकमेकांना धक्के देत गिफ्टसाठी दोघांचा आटापिटा सुरू असतो. अशात रोहन कसाबसा स्वामी ओमच्या तावडीतून सुटत बाथरूममध्ये लपून बसतो.यावर संतापलेले स्वामी ओम त्याचा पाठलाग करीत रोहनला बाथरूमच्या बाहेर येण्यास सांगतात. दरवाजाला लाथा मारत ते दरवाजाची तोडफोड करतात. हे बघून आश्चर्यचकित झालेली लोपामुद्रा ‘रोहनला धक्का जरी लागला तरी याचे परिणाम तुला भोगावे लागतील’, असा इशाराच स्वामी ओमला देते. मात्र टास्कच्या जोशात असलेले स्वामी ओम त्याला बाथरूममधून बाहेर काढण्यासाठी दरवाजाची जबरदस्त तोडफोड करतात. हे बघून बिग बॉसचा चांगलाच संताप होतो. टास्कला मध्येच थांबवित ते स्वामी ओमला सर्वांसमक्ष सुनावतात. विशेष म्हणजे नेहमीच चौकटीत राहून बोलणाºया बिग बॉसचा असा काही संताप होतो की, ते स्वामी ओमला ‘याला एंटरटेन्मेंट म्हणतात काय’ असा सवाल करतात. ‘घरात हिंसा करण्यास सक्त मनाई असताना स्वामी ओम वारंवार हिंसेचा वापर करीत आहेत, त्यांनी वागणूक न सुधारल्यास बिग बॉसला घरातील तुमच्या सहभागाविषयी विचार करावा लागेल’ अशा शब्दांत स्वामी ओमला एकप्रकारची चेतावणी देतात. }}}} ">http://

}}}} ">Love is in the air! Watch the highlights of Pyaar Wala Task from tonight's episode in this #BB10#video! https://t.co/NZED5Ql7dI— Bigg Boss (@BiggBoss) December 20, 2016

बिग बॉसचा संताप एवढा असतो की, त्यांच्या टिपिकल आवाजामध्येदेखील बदल झाल्याचे स्पष्टपणे प्रेक्षकांना बघावयास मिळते. बिग बॉसचा संताप बघून स्वामी ओमची बोलतीच बंद होते. नेहमीच बिग बॉसचा धावा करणाºया स्वामी ओमला आता बिग बॉसनेही फटकारल्याने स्वामी ओमला घरात आता कोणाचा आधार असेल? हे बघणे औत्सुक्याचे ठरेल.