कलर्स मराठी वाहिनीवरील लोकप्रिय रिएलिटी शो बिग बॉस मराठीचा दुसरा सीझन नुकताच संपला. मात्र या सीझनची चर्चा अद्याप होताना पहायला मिळते आहे. याचं कारण आहे यंदाच्या सीझनचा विजेता ठरलेला शिव ठाकरे व अभिनेत्री वीणा जगताप यांचं अफेयर. बिग बॉस मराठी २ च्या घरात शिव आणि वीणाची लव्हस्टोरी चांगलीच रंगली होती. त्यांच्या नात्यावर बरीच टीकादेखील झाली होती. शो संपल्यानंतर रोमान्सही संपेल, असा अंदाजही अनेकांनी वर्तवला होता. पण असं काहीच झालं नाही. उलट ‘बिग बॉस मराठी २’ संपल्यानंतर शिव आणि वीणाचा रोमान्स आणखी जोरात सुरु झाला.बिग बॉस मराठी २ शो संपल्यानंतर आता वीणा व शिव यांची सगळीकडे खूप चर्चा होताना दिसते आहे. कारण वीणाने शिवला त्याच्या वाढदिवसानिमित्त अनोखं गिफ्ट दिलं तेही अॅडव्हान्समध्ये.
वीणानं शिवच्या नावाचा टॅटू तिच्या हातावर काढला. तिने हा फोटो सोशल मीडियावर शेअर केला होता.
लग्नाविषयी विचारले असता तो सांगतो, आता बाहेर आल्यानंतर या विषयावर माझ्या कुटुंबियांशी मी बोलणार आहे. माझ्या आईचे या सगळ्यात मत काय आहे हे महत्त्वाचे आहे.
आता ते दोघे लग्न करणार का हे जाणून घेण्यासाठी त्यांचे चाहते उत्सुक आहेत.