बिग बॉस मराठी हा शो घरातील विचित्र टास्क, वादविवाद आणि प्रेम प्रकरणांमुळे कायमच चर्चेत असतो. आतापर्यंत झालेल्या दोन्ही पर्वामध्ये घरातील वाद आणि प्रेम प्रकरणे खूप गाजली होती. त्यानंतर आता या पर्वातदेखील असेच काहीसे चित्र पाहायला मिळत आहे. नुकतेच बिग बॉसच्या घरात हल्लाबोल या टास्कमध्ये टीम बी वर मात टीम एने विजय मिळवला आहे. त्यामुळे आता घरातील नव्या कॅप्टन्सी टास्कसाठी दोन उमेदवारांमध्ये नवा सामना रंगल्याचे पाहायला मिळणार आहे.
पहिल्या आठवड्यात बिग बॉसच्या घराचा कॅप्टन होण्याचा मान उत्कर्ष शिंदेला मिळाला होता. आता दुसऱ्या आठवड्यात कॅप्टनपदासाठी जय दुधाणे आणि गायत्री दातार यांच्यापैकी एकाची निवड होणार आहे.