बिग बॉस मराठीचा (Bigg Boss Marathi 4) चौथा सीझन रंजक वळणावर आला आहे. बिग बॉस मराठीच्या घरात काल पार पडले नॉमिनेशन कार्य. ज्यामध्ये घरात राहण्यास अपात्र सदस्यांमध्ये अमृता देशमुख, प्रसाद, अमृता धोंगडे, विकास, अपूर्वा आणि किरण यांची नवे इतर सदस्यांनी नॉमिनेशन प्रक्रियेत दिली. आता या सदस्यांमध्ये कोण घराबाहेर जाईल आणि सेफ होईल हे कळेलच.
नुकत्याच समोर आलेल्या प्रोमोमध्ये किरण आणि प्रसादमध्ये आज तुफान राडा होणार आहे असे दिसून येत आहे. प्रसाद किरणला म्हणाला, सगळ्यांच्या डिप्रेशनचा ठेका तू घेतला आहेस का? किरण म्हणाला, नाही घेतला... जे समोर दिसत आहे ते सांगतो आहे. काही विमझिकल लोकांना शनिवारी ठरवून डिप्रेशन येतं आणि रविवारी ते जातं. त्यावर प्रसाद म्हणाला, तू कोण आहेस ठरवणारा विमझिकल वैगरे ? डॉक्टर आहेस का तू ? पुढे काय झाले जाणून घेण्यासाठी बिग बॉस मराठी पाहावे लागेल.
गेल्याच आठवड्यात समृद्धी जाधव, तेजस्विनी लोणारी हे स्पर्धक घराबाहेर पडले. यांच्याबरोबरीने वाईल्ड कार्ड एंट्री घेतलेले विशाल निकम आणि मीरा जगन्नाथ हे स्पर्धकदेखील बाहेर पडले, त्यांच्याबरोबरीने डॉ. रोहित शिंदेही बाहेर पडला. त्यानंतर आता स्नेहलता वसईकर हिलादेखील बिग बॉसच्या घराबाहेर पडावे लागले.