Bigg Boss Marathi 5: बिग बॉस मराठी 5 च्या पर्वाला सुरुवात झाली आहे. रितेशने कल्ला सुरु केला आहे. यंदा बिग बॉसमध्ये आली आहे अमरावतीची रॅपर आर्या जाधव. नऊवारी नेसून दणक्यात रॅप सादर करुन तिने स्टेजवर एन्ट्री केली. रितेशसाठी तिने रॅपही लिहिलं जे तिने सादर केलं. आर्या जाधवने अमरावतीचा ठसका तिच्या बोलण्यातून आणि रॅपमधून दाखवलाच आहे.
बिग बॉस मराठी 3 चा विजेता शिव ठाकरेही अमरावतीचा होता. त्याने बिग बॉस हिंदीही गाजवलं होतं. यावर जेव्हा अमरावतीच्या आर्याला विचारण्यात आलं तेव्हा ती म्हणाली, 'ट्रॉफी आणणं हे अमरावतीच्या रक्तातच आहे. त्यामुळे आणावीच लागणार.' असं म्हणत आर्याने ट्रॉफी जिंकण्याचा विश्वास दाखवला आहे. पिवळी नऊवारी साडी नेसून तिने घरात एन्ट्री घेतली. आर्याचे आतापासूनच सोशल मीडियावर अनेक चाहते झाले आहेत.
अमरावतीची रॅपर आर्या जाधव आता इतर स्पर्धकांना कशी पुरून उरते हे पाहायला मजा येणार आहे. आतापर्यंत घरात वर्षा उसगांवकर, पंढरीनाथ कांबळे, योगिता चव्हाण, जान्हवी किल्लेकर, अंकिता वालावलकर, निखिल दामलेने, इरिना रुडाकोवा, वैभव चव्हाण, घन:श्याम दरवडे, निक्की तांबोळी आणि अरबाज पटेल यांनी एन्ट्री घेतली आहे.