Bigg Boss Marathi Season 5 : 'बिग बॉस' हा असा शो आहे, जो सतत कोणत्या ना कोणत्या कारणाने चर्चेत असतो. कधी सदस्यांच्या वक्तव्यामुळे, कधी त्यांच्यातील भांडणामुळे, कधी बिग बॉसने दिलेल्या टास्कमुळे. सध्या बिग बॉस मराठीचा नवा प्रोमो समोर आला असून अरबाजचं कॅप्टनपद धोक्यात आल्याचं दिसून येत आहे.
'बिग बॉस'च्या घरात पहिल्या दिवसापासून दोन गट पडले आहेत. A गटात निक्की, वैभव, सूरज, इरिना, जान्हवी आणि घनश्याम आहेत. तर B गटात अंकिता, अभिजीत, धनंजय, वर्षा ताई, पॅडी दादा आणि आर्या आहेत. 'बिग बॉस'च्या पाचव्या पर्वाची पहिली कॅप्टन हीअंकिता वालावलकर झाली होती. यानंतर दुसरा कॅप्टन अरबाज पटेल ठरला. मात्र आता, अरबाजचं कॅप्टनपद धोक्यातत आलं आहे.
बिग बॉस मराठीचा नवीन प्रोमो रिलीज झाला आहे. यामध्ये अरबाजसमोर मोठं संकट उभं राहिलं आहे. प्रोमोमध्ये दिसतेय की, बिग बॉस अरबाजला म्हणतायेत की, "अरबाज बीबी करन्सीद्वारे दोन्ही टीम्स सोयी सुविधा विकत घेऊ शकतात. त्या बदल्यात तुम्हाला कॅप्टन पद गमवावे लागेल. आता आपल्याला आपला फायदा निवडायचा आहे किंवा घराचा फायदा". आता अरबाज हा स्वतःचा फायदा पाहिल की सदस्यांची सोय करेल, हे लवकरच स्पष्ट होईल.