Bigg Boss Marathi Season 5 : बिग बॉस मराठीचा पाचवा सीझन ७० दिवसातच निरोप घेत आहे. १०० दिवसांचा खेळ ३० दिवस आधीच संपतोय. ६ ऑक्टोबरला बिग बॉस मराठी ५ चा फिनाले होणार आहे. नुकताच अरबाज पटेल (Arbaz Patel) शोमधून एलिमिनेट झाला. तो बाहेर येताच बिग बॉसने ही घोषणा केली. यावर अरबाजची काय प्रतिक्रिया होती वाचा.
लोकमत फिल्मीला दिलेल्या मुलाखतीत अरबाज पटेल म्हणाला, "मी बाहेर आलो तेव्हा मला कळलं की शो लवकर संपणार आहे. मी इतकं चांगलं खेळून पण बाहेर आलो यावरुनच मला वाटलं होतं की नक्कीच काहीतरी होणार आहे. काही कारणांमुळे मला बाहेर काढलं असणार. आता १४ दिवसातच शो संपणार आहे. मी बाहेर आल्यावर बरेच जण म्हणाले की आता टीआरपी मिळणार नाही, आम्ही शो बघणार नाही. मला असंच वाटत होतं की शो १०० दिवसांचा असता तर माझ्या जाण्यामुळे टीआरपी कमी झाला असता. आता लवकर संपतोय तर याच रँकिंकवर शो संपेल."
बिग बॉस मराठी सीझन ५ चा ग्रँड फिनाले ६ ऑक्टोबर रोजी रंगणार आहे. आता घरात निक्की तांबोळी, वर्षा उसगांवकर, पंंढरीनाथ कांबळे, जान्हवी किल्लेकर, धनंजय पोवार, अंकिता वालावलकर, सूरज चव्हाण आणि अभिजीत सावंत हे ८ स्पर्धक राहिले आहेत. या आठवड्यात बिग बॉसने या आठही स्पर्धकांना नॉमिनेट केलं आहे.