अखेर तो दिवस आला आहे ज्याची बिग बॉस(Bigg Boss OTT)चे चाहते आतुरतेने वाट पाहत होते. १४ ऑगस्ट म्हणजेच आज सलमान खानच्या शो 'बिग बॉस ओटीटी सीझन २'चा ग्रँड फिनाले आहे. बिग बॉस वर्षानुवर्षे चाहत्यांचा लाडका आहे, या शोला टीआरपीही खूप मिळाला. त्यानंतर निर्मात्यांनी करण जोहर होस्ट केलेले बिग बॉस ओटीटी सुरू केले. ओटीटीच्या रिअ‍ॅलिटी शोमध्ये खूप काही निर्माण केले, पण काही घडले नाही. पहिला OTT सीझन अपेक्षेप्रमाणे राहिला नाही आणि थोडा थंड होता. मग निर्मात्यांनी सलमान खानला बिग बॉस ओटीटी २चे होस्ट केले.
सलमान खानची जादू चालली आणि हा शो सुपरहिट झाला. शोच्या यशात सलमानइतकाच कास्टिंग डायरेक्टर, निर्माते आणि स्पर्धकांचाही वाटा आहे. बिग बॉस शो बऱ्याच दिवसांनी हिट झाला आहे. ८ आठवडे चाललेला हा प्रवास धमाकेदार होता. यावेळी पूजा भटची माणुसकी, अभिषेकचा दमदार खेळ, मनीषा राणीचा लटके-झटके, एल्विशचा पंचलाइन आणि बबिका धुर्वेचा आवाज-शराबा यांनी बीबी हाऊसला टीआरपी मिळवून दिला. बिग बॉसच्या घरातल्या स्पर्धकांचा आज प्रवास संपणार आहे.
हे आहेत टॉप ५ स्पर्धक
'बिग बॉस ओटीटी २'चे पूजा भट, एल्विश यादव, मनीषा रानी, अभिषेक यादव, बेबिरा धुर्वे हे 'टॉप ५' स्पर्धक आहेत. आता या पाच जणांमधून 'बिग बॉस ओटीटी २'ची ट्रॉफी कोण जिंकणार याकडे प्रेक्षकांचे लक्ष लागले आहे. अभिषेक आणि एल्विश या दोघांमध्ये चांगलीच लढत पाहायला मिळणार आहे. 'बिग बॉस ओटीटी २'च्या विजेत्याला २५ लाख रुपये आणि 'बिग बॉस ओटीटी'ची ट्रॉफी मिळणार आहे. हा शो १४ ऑगस्टला रात्री ९ वाजता पाहता येणार आहे. तसेच हा पूर्ण सोहळा प्रेक्षकांना जिओ सिनेमावर मोफत पाहता येणार आहे.