​'माझ्या नव-याची बायको' या मालिका देतेय या जोरदार टक्कर!

मालिकांमधून रसिकांचं मनोरंजन होतं, एकामागून एक रंजक भागांमुळे घराघरात मालिका लोकप्रिय ठरतात.सध्या छोट्या पडद्यावर विविध मालिका रसिकांचं मनोरंजन करतात. या मालिकांमधून घराघरात घडणा-या घडमोडी दाखवल्या जातात. त्यामुळे या मालिकांसोबत रसिकांचं वेगळं नातं निर्माण होतं. मालिकेत घडणा-या घडामोडी जणू काही आपल्या आजूबाजूला सुरु आहेत असं रसिकांना वाटतं. त्यामुळे या मालिका रसिकांच्या पसंतीस पात्र ठरतात. तुझ्यात जीव रंगला मालिकेला  या मालिकेला 'माझ्या नव-याची बायको' मालिकेकडून   जोरदार टक्कर पाहाला  मिळत आहे.कारण 'माझ्या नवऱ्याची बायको' या मालिकेने टीआरपीमध्ये राणादा-अंजलीच्या मालिकेला मागे टाकले. माझ्या नवऱ्याची बायको टीआरीपमध्ये अव्वल स्थानी आहे. तर 'तुझ्यात जीव रंगला' ही मालिका दुसऱ्या स्थानी आहे. तिसरे स्थान 'लागिरं झालं जी' या मालिकेनं मिळवले. चला हवा येऊ द्या चौथ्या स्थानी आहे.माझ्या नव-याची बायको या मालिकेने  अल्पावधीतच रसिकांची मनं जिंकण्यात यश मिळवलं,'माझ्या नव-याची बायको' ही मालिका सध्या छोट्या पडद्यावर चांगलीच गाजते आहे. गुरुनाथ, राधिका आणि शनाया यांच्यावर आधारित ही मालिका रसिकांना चांगलीच भावते आहे. नवनवीन ट्विस्ट आणि टर्न यामुळे दिवसेंदिवस ही मालिका रोमांचक आणि रंजक बनत चालली आहे. घराघरात प्रत्येकाला ही मालिका चांगलीच भावते आहे. नुकतंच या मालिकेला छोट्या पडद्यावर दाखल होऊन एक वर्ष पूर्ण झालं. या निमित्ताने या मालिकेच्या टीमने जबरदस्त धम्माल मस्ती केली. वर्षभराचे सेलिब्रेशन मालिकेच्या टीमने एक टीम सेल्फी घेऊन केलं. या सेल्फीमध्ये माझ्या नव-याची बायको या मालिकेची संपूर्ण टीम पाहायला मिळत आहे. वर्षभरात मालिकेनं रसिकांच्या काळजात अढळ स्थान मिळवलं आहे. मालिकेची कथा, त्यात दिवसेंदिवस येणारे ट्विस्ट, कधीकधी घडणारे विनोद तर कधी हसता हसता टचकन डोळ्यात पाणी आणणारे क्षण यामुळे माझ्या नव-याची बायको या मालिकेने रसिकांवर मोहिनी घातली आहे.या मालिकेत गुरुनाथ कुलकर्णी ही व्यक्तीरेखा अभिनेता अभिजीत खांडकेकर याने साकारली आहे. तर त्याच्या बायकोच्या म्हणजेच राधिकाच्या भूमिकेत अनिता दाते हिने साकारली आहे. या दोघांच्या संसारात जी तिसरी येते आणि जिच्यामुळे सारं नाट्य घडतं ती शनाया ही भूमिका अभिनेत्री रसिका सुनील हिने साकारली आहे.घरवाली आणि बाहरवाली अशा दोघींच्या कचाट्यात सापडलेल्या गुरुनाथची धम्माल रसिकांनी गेल्या वर्षभरात एन्जॉय करत आहेत.