भाऊ कदमचा जबरा फॅन! तो भाऊच्या प्रेमात, आता भाऊ त्याच्या प्रेमात..., वाचा

भाऊच्या एका जबरा फॅनची ही गोष्ट... खेड शिवापूरच्या एका पेट्रोलपंपावर भाऊला भेटलेला हा फॅन म्हणजे नाद खुळा.

ठळक मुद्देआज भाऊ कदम स्टेजवर आला की लोकांच्या टाळ्या आणि शिट्या पडतात. प्रेक्षकांकडून आज त्याला अपार प्रेम मिळतं. प्रत्येकाला आज भाऊ कदम आपला माणूस वाटतो.

आपल्या विनोदबुद्धीनं आणि अचूक टायमिंगनं अख्ख्या महाराष्ट्राला खळखळून हसवणारा भाऊ कदम (Bhau Kadam) आज चाहत्यांच्या गळ्यातील ताईत बनला आहे. महाराष्ट्रात भाऊ कदम हे नाव माहित नाही, असा माणूस विरळाच. त्याचे असंख्य फॅन आहेत. अगदी भाऊ महाराष्ट्राच्या कानाकोप-यात गेला तरी, फॅन त्याला भेटतात. तर भाऊच्या अशाच एका जबरा फॅनची ही गोष्ट. खेड शिवापूरच्या एका पेट्रोलपंपावर भाऊला भेटलेला हा फॅन म्हणजे नाद खुळा. होय, अगदी तो भाऊच्या प्रेमात आणि त्याला भेटल्यावर भाऊ त्याच्या प्रेमात.
आपल्या या फॅनसोबतचा एक फोटो भाऊनं सोशल मीडियावर शेअर केला आहे. शिवाय तो त्याचा किती मोठा चाहता आहे, हेही सांगितलं आहे. (Chala Hawa Yeu Dya fame Bhau Kadam fan)

‘आज कामासाठी बाहेर गेलो असता, रस्त्यात खेड शिवापूरच्या एक पेट्रोल पंपावर एक फॅन भेटला... आणि त्याच प्रेम पाहून त्याच्यासोबत एक फोटो काढण्याचा मोह मला काही आवरला नाही...त्याने चक्क त्याच्या हातावर माझं नाव गोंदवलेलं... रंगभूमीमुळे मिळालेलं हे प्रेम मला असचं चांगलं काम करण्याची प्रेरणा देत राहिल...धन्यवाद मित्रा,’अशी पोस्ट भाऊनं त्याच्या इन्स्टा अकाऊंटवर शेअर केली. 

भाऊनं रंगभूमीवरून  अभिनय कारकिर्दीला सुरुवात केली. अनेक नाटकांमध्ये खूप चांगल्या भूमिका साकारल्या. ‘जाऊ तिथे खाऊ’ हे त्याचं नाटक त्या काळात चांगलंच गाजलं होतं.  या नाटकानं भाऊच्या करियरला एक दिशा दिली.
सुरुवातीला नाटकात काम करताना भाऊला १०० रुपये मिळायचे. नंतर १५०, २५०, ३५०, ७५० एवढं मानधन मिळायला लागलं. त्यातून घर संसाराचा गाडा कसाबसा चालायचा. आज त्याच भाऊ कदम  एका एपिसोडसाठी ऐंशी हजार रुपये घेतात, असे कळते.
आज भाऊ कदम स्टेजवर आला की लोकांच्या टाळ्या आणि शिट्या पडतात. प्रेक्षकांकडून आज त्याला अपार प्रेम मिळतं. प्रत्येकाला आज भाऊ कदम आपला माणूस वाटतो. भाऊंनी नऊपेक्षा जास्त मालिकांमध्ये आणि पाचशेहून अधिक नाटक प्रयोगांमध्ये काम केलं आहे.