मराठी मालिका आणि चित्रपटांमध्ये आपल्या अभिनयानं प्रेक्षकांची दाद मिळवणाऱ्या अभिनेत्रींपैकी एक अभिनेत्री म्हणजे अभिज्ञा भावे ( Abhidnya Bhave). आज तिचा वाढदिवस. वाढदिवसानिमित्त अभिज्ञावर शुभेच्छांचा वर्षाव होतोय. तिची जीवलग मैत्रिण मयुरी देशमुख हिने अभिज्ञासाठी खास पोस्ट लिहिली आहे. याशिवाय ‘चला हवा येऊ द्या’ फेम श्रेया बुगडे (Shreya Bugde ) हिनेही एक खास पोस्ट शेअर करत अभिज्ञाला बर्थ डे विश केलं आहे.अभिज्ञा व श्रेया दोघी खूप चांगल्या मैत्रिणी आहेत. ग्लॅमर इंडस्ट्रीत दोन अभिनेत्री एकमेकींच्या मैत्रिणी होऊ शकत नाही, असं सर्रास म्हटलं जातं. पण श्रेया व अभिज्ञा याला अपवाद आहेत. एकाच इंडस्ट्रीत काम करून दोघीही घट्ट मैत्रिणी आहेत. अनेकदा दोघी एकत्र एन्जॉय करताना दिसतात. आता आपल्या खास मैत्रिणीसाठी श्रेयाने एक खास पोस्ट लिहिली आहे.
‘गाडीला असतात चाकं चार... अभ्या तुला हॅपी बर्थ डे यारहो आनंदाच्या घोड्यावर स्वारतूच आमची सुपरस्टार..भेटू तेव्हा पार्टी करू मिळून आपण चौघं चारतुला लै लै प्यार, तुला लै लै प्यार.... तुला लै लै प्यार... यार...ही अशीच आहे ना आपली मैत्री, काहीही झालं तरी शेवटी आपण सगळं जुळवून आणतोच. नाही का?’,अशी पोस्ट श्रेयाने शेअर केली आहे.
मराठमोळी अभिनेत्री अभिज्ञा भावे मराठी इंडस्ट्रीतील लोकप्रिय अभिनेत्री. अभिज्ञा ‘खुलता कळी खुलेना’ आणि ‘तुला पाहते रे’ या मालिकांमधून घराघरांत पोहोचली. लवकरच ती अभिज्ञा झी मराठीवरली ‘तू तेव्हा तशी’ या मालिकेत दिसणार आहे. 20 मार्चपासून ही मालिका सुरू होतेय. गतवर्षी अभिज्ञाने मेहुल पै याच्यासोबत लग्नगाठ बांधली. पण सध्या मेहुल हा कॅन्सरशी झुंज देत आहे.