बिग बॉसच्या घरात राहणं सोपी गोष्ट नाही. त्यामुळे प्रत्येक दिवस घरातील सदस्यांसाठी जणू अग्निपरीक्षाच असते. इथले टास्क आणि वादावादी याला कंटाळून घरातील सदस्य वारंवार घर सोडून जाण्याच्या वल्गना करतात.बिग बॉस मराठीच्या घरात सदस्यांना काही काही गोष्टी मनाला खूप लागतात, सतत काही ना काही गोष्टी त्यांना खुपतात आणि त्यावर तासन् तास चर्चा करत असतात. अनेकदा मनाला खटकलेल्या गोष्टी सगळ्यांपुढे मांडू शकत नाही आणि अशावेळी त्या गोष्टी आपल्या जवळच्या व्यक्तींशी शेअर करतात. सुरेखा कुडची आज त्यांच्या मनातील एक महत्वाची गोष्ट स्नेहा आणि जयला सांगताना दिसणार आहेत. नक्की असं काय झालं आहे ? अशी कोणती गोष्ट आहे ज्याचं त्यांना इतकं वाईट वाटलं आहे, राग आला आहे ?
आपल्या इथे सांगतात युक्ति वापरा. आपल्याकडे अजिबात युक्ति वापरली जात नाही. फक्त शक्तीचा वापर होतो जिथे आम्ही कमीच पडणार. आणि किचन एरिया जो आहे त्याला शून्य किंमत आहे. किती पण प्रेमाने जेवन करु द्या, जिवाचं रान करा त्याला किंमत नाहीये. त्याची किंमत तेव्हाच कळेल जेव्हा आम्ही तिथून बाहेर पडू”. अजून हे संभाषण किती पुढे गेलं ? कोण कोणते मुद्दे सुरेखाने मत मांडले ? स्नेहाचं काय म्हणण आहे ? बिग बॉसच्या घरात नवा धुमाकूळ होणार ? घरातील वातावरण बदलणार? घर बनणार भांडणाचा आखाडा? या सगळ्याची उत्तरं आगामी भागात उलगडतील.