'दार उघड बये' ही मालिका अल्पावधीतच प्रेक्षकांची मनं जिंकताना दिसत आहे. या मालिकेत रोज काही ना काही ट्विस्ट पाहायला मिळतोय. या मालिकेतील नायिका मुक्ता एका अशा गावात राहतेय जिथे मुलीच्या हातात संबळ बघणं एक अपशकुन मानलं जातं. ही मालिका आता एका रोमांचक वळणावर आहे. सारंग आणि मुक्ताच्या लग्नाच्या तयारीत नगरकर खोटेपणात वागतात हे आपण मागील भागात पाहिले.
पार्टीच्या निमित्ताने मुक्ता सारंग एकमेकांना अंगठी घालतात. रेणुका मुक्ताला पार्टीत सगळ्यांसमोर संबळ वाजवण्यास सांगते, यावर मुक्ता अस्वस्थ होते. मुक्ताला तिचं बालपण आठवतं, आणि त्या आठवणीत ती संबळ वाजवते. अचानक पार्टीनंतर मुक्ता गायब होते.
नगरकर मुक्ताची पाठवणी करतात, तर दुसरीकडे युवराज व दत्ता मुक्ताला लांब घेऊन जाऊन एका अडगळीच्या खोलीत कोंडून बंद ठेवतात. मुक्ताला गेल्या काही दिवसात झालेल्या सगळ्या गोष्टी नाटक असल्याचं लक्षात येतं. आता सारंगला सुद्धा नगरकरांनी केलेल्या नाटकाबद्दल कळेल? सारंग आणि मुक्ता परत एकत्र येण्यात यशस्वी ठरतील? हे पाहणं प्रेक्षकासाठी औत्सुक्याचं असणार आहे.