कृष्ण जयंतीचा उत्सव भारतात सर्वत्र साजरा होतो. सगळीकडे धामधूम पाहायला मिळत आहेत. कलाकार मंडळींमध्ये कृष्ण जन्माष्टमीचा उत्साह पाहायला मिळतो आहे. अभिनेत्री अपूर्वा नेमळेकर (Apurva Nemlekar) हिने कृष्ण जन्माष्टमी निमित्त हटके फोटोशूट केले आहे.तिच्या या फोटोशूटची सर्वत्र चर्चा होताना दिसत आहे. या फोटोशूटमध्ये अपूर्वाने श्रीकृष्णचा अवतार धारण केला आहे. या फोटोशूटला चाहत्यांची पसंती मिळताना दिसते आहे.
अपूर्वा नेमळेकर हिने फोटो शेअर करत लिहिले की, भगवान विष्णूचा आठवा अवतार असलेल्या श्रीकृष्णाच्या जन्माच्या आधीपासूनच त्याचे शत्रू त्याला मारण्यासाठी टपून बसलेले होते. परंतु श्रीकृष्णाने मात्र सर्व संकटांवर मात करून श्रावण कृष्ण अष्टमीला मध्यरात्री जन्म घेतला. हाच दिवस आपण जन्माष्टमी म्हणून साजरी करतो. जी व्यक्ती धर्म, सत्य व न्यायाच्या बाजूने आहे केवळ तीच व्यक्ती योग्य आहे असे श्रीकृष्णाने सांगितले आहे.
'रात्रीस खेळ चाले' या मालिकेत शेवंता ही भूमिका साकारून अपूर्वा घराघरात पोहोचली. इतकंच नाही तर ती आज अनेक तरुणांच्या गळ्यातलं ताईत असल्याचं पाहायला मिळतं. अपूर्वाने यापूर्वी अनेक गाजलेल्या मालिकांमध्येही काम केलं आहे.