झी मराठी वाहिनीवर 'माझी तुझी रेशीमगाठ' (Mazhi Tuzhi Reshimgaath)ही मालिका अल्पावधीतच लोकप्रिय झाली.मालिकेचा वेगळा विषय रसिकांच्या मनाला भुरळ घालत आहे. उत्तम कथानक आणि कलाकारांचा अभिनय यामुळे मालिका रसिकांच्या पसंतीस पात्र ठरली आहे. अभिनेता श्रेयस तळपदे आणि प्रार्थना बेहरे यांच्या अभिनयाने रसिकांच्या मनात घर केले आहे. अभिनेता श्रेयस तळपदे या मालिकेत यशची भूमिका साकारताना दिसतो आहे आणि त्याची ही भूमिका प्रेक्षकांना खूप भावते आहे. चॉकलेट बॉय श्रेयस तळपदे (Shreyas Talapade) याचा आज वाढदिवस. आज श्रेयस त्याचा 46 वा वाढदिवस साजरा करतोय. श्रेयस सोशल मीडियावर खूप सक्रीय आहे. बऱ्याचदा तो सोशल मीडियावर फोटो आणि व्हिडीओ शेअर करत असतो.
अनेकदा श्रेयस त्याच्या पत्नीसोबतचे फोटो सोशल मीडियावर शेअर करत असतो. श्रेयसची पत्नी दिप्ती दिसायला खूप सुंदर आहे.पत्नी दीप्तीसोबत फोटो शेअर करत कपल गोल देत असतो. त्यांच्या दोघांच्या फोटोंनाही प्रचंड पसंती मिळते.दीप्ती खंबीरपणे श्रेयसच्या प्रत्येक निर्णयात त्याच्यासोबत असते, त्याला पाठिंबा देते. दुसरीकडे श्रेयसही आपल्या सगळ्या यशाचे श्रेय दीप्तीलाच देतो.
.दीप्तीने सायकॉलॉजीचे शिक्षण घेतले आहे. रिअल लाईफमध्ये दीप्ती अतिशय मनमौजी अशीच आहे. या दोघांना एक मुलगी आहे. मुलीचे नाव आद्या तळपदे असे आहे. अनेकदा दोघेही मुलीसोबतचे क्युट फोटोही शेअर करताना दिसतात.