झी मराठी वाहिनीवरील 'येऊ कशी तशी मी नांदायला' मालिकेने कमी कालावधीत प्रेक्षकांच्या मनात घर केले आहे. या मालिकेतील स्वीटू आणि ओमची केमिस्ट्री चाहत्यांना खूप भावते आहे. या मालिकेत ओमची भूमिका साकारणारा अभिनेता शाल्व किंजवडेकरला तर या मालिकेमुळे चांगलीच लोकप्रियता मिळाली असून त्याच्या खाजगी आयुष्याबद्दल जाणून घ्यायची त्याच्या फॅन्सची इच्छा असते. श्रेया डाफळापूरकरसोबत शाल्व रिलेशनशीपमध्ये आहे आणि बऱ्याचदा तो सोशल मीडियावर रोमँटिक फोटो शेअर करत असतो.
शाल्व किंजवडेकरने नुकतेच सोशल मीडिया इंस्टाग्रामवर त्याची गर्लफ्रेंड श्रेया डाफळापूरकरसोबतचा ब्लॅक अँड व्हाइट फोटो शेअर केला आहे आणि या फोटोला त्याने हाय मेरी परम सुंदरी असे कॅप्शन दिले आहे.
शाल्व आणि श्रेयाच्या या रोमँटिक फोटोला चाहत्यांची पसंती मिळते आहे. त्याच्या या फोटोवर चाहत्यांसोबत सेलिब्रेटीदेखील कमेंट्सचा वर्षाव करताना दिसत आहेत.