'रात्रीस खेळ चाले' या मालिकेने प्रेक्षकांचं अफाट प्रेम मिळवून अगदी पहिल्या पर्वा पासूनच लोकप्रियतेचे शिखर गाठले. लॅाकडाऊनमुळं शूट बंद असल्यानं ‘रात्रीस खेळ चाले ३’ हि लोकप्रिय मालिका प्रसारित होत नव्हती पण लवकरच शूट सुरू होऊन या महिन्यात हि मालिका पुन्हा प्रेक्षकांच्या मनोरंजनासाठी सज्ज होणार असे संकेत मालिकेचे लेखक प्रल्हाद कुडतरकर यांनी दिले होते. प्रेक्षकांची प्रतीक्षा आता संपली आहे कारण १६ ऑगस्ट पासून रात्री ११ वाजता पुन्हा एकदा हि मालिका प्रेक्षकांच्या भेटीस येणार आहे.
या मालिकेतील सर्व कलाकार प्रेक्षकांचे अत्यंत आवडते आहेत आणि त्यातील एक व्यक्तिरेखा जिची मालिकेत प्रेक्षक आतुरतेने वाट पाहत आहेत ती म्हणजे शेवंता. नुकतंच 'रात्रीस खेळ चाले ३' या मालिकेचा प्रोमो रिलीज झाला आणि त्यात सगळ्यांच्या काळजाचा ठाव घेणारी शेवंता प्रेक्षकांना दिसली.
पण यावेळी तिला पाहून फक्त काळजाचा ठोका चुकणार नाही तर थांबेल कायमचा अशी चेतावणी देणारा प्रोमोची चर्चा आता सर्वत्र होतेय. प्रोमोमध्ये तिच्या अदा आणि त्याचवेळी तिचं चित्तथरारक रूप पाहून प्रेक्षकांची उत्सुकता शिगेला पोहचली आहे. 'रात्रीस खेळ चाले’ या लोकप्रिय मालिकेने आपल्या तीन भागांच्या आजवरच्या प्रवासात बऱ्याच कलाकारांना प्रकाशझोतात आणण्याचं काम केलं आहे.मालिकेच्या पहिल्या पर्वाला रसिकांनी जसा भरभरून प्रतिसाद दिला तसंच या भागावर देखील प्रेक्षक प्रेमाचा वर्षाव करतील अशी खात्री कलाकारांना आहे.
'रात्रीस खेळ चाले’ या लोकप्रिय मालिकेने आपल्या तीन भागांच्या आजवरच्या प्रवासात बऱ्याच कलाकारांना प्रकाशझोतात आणण्याचं काम केलं आहे. या मालिकेत जेव्हापासून शेवंताची एंट्री झाली आहे तेव्हापासून मालिकेची लोकप्रियताही वाढली होती.
त्यामुळे रात्रीस खेळ चाले या मालिकेत शेवंता म्हणजेच अपूर्वा नेमळेकर खूप महत्त्वाची व्यक्तीरेखा मनली जाते.अपूर्वी नेमळेकरही या मालिकेमुळे रसिकांची लाडकी अभिनेत्री बनली आहे. मालिकेत शेवंताची एंट्री झाल्यापासून अपूर्वाचीही लोकप्रियता दिवसेंदिवस वाढत आहे. सोशल मीडियावर अपूर्वा प्रचंड लोकप्रिय आहे. त्यामुळे ती पुन्हा कधी झळकणार याकडेच चाहत्यांचेही लक्ष लागले होते. अखेर आता अपूर्वाच्या चाहत्यांचीही ईच्छा पूर्ण होणार आहे.