दमदार डान्स परफॉर्मन्समुळे छोट्या पडद्यावरील डान्स दीवाने ३ हा शो सगळीकडे चर्चेत आहे. मात्र गेल्या काही दिवसांपासून शोच्या सेटवरून धक्कादायक बातम्या समोर येत आहे. काही दिवसांपूर्वी समोर आले होते की डान्स दिवाने ३च्या सेटवरील १८ क्रू मेंबरना कोरोनाची लागण झाली होती. दरम्यान आता या शोचा परिक्षक धर्मेश येलांडेला देखील कोरोनाची लागण झाल्याचे समजते आहे.
डान्स दिवाने ३ या शोमध्ये माधुरी दीक्षित, तुषार कालिया आणि धर्मेश येलांडे असे तीन परिक्षक आहेत तर राघव जुयाल या शोचे सूत्रसंचालन करतो. धर्मेशला कोरोनाची लागण झाल्यानंतर सर्वांना धक्का बसला आहे. त्यानंतर मिळालेल्या माहितीनुसार माधुरी आणि तुषार यांनी कोरोनाची टेस्ट केली पण ती निगेटिव्ह आली.
गेल्या काही दिवसांपासून बॉलिवूडमधील बऱ्याच कलाकारांना कोरोनाची लागण झाली आहे. ज्यात रणबीर कपूर, आर. माधवन, मनोज वाजपेयी, आमिर खान, आलिया भट, फातिमा सना शेख, गोविंदा, अक्षय कुमार, भूमी पेडणेकर, विकी कौशल, कतरिना कैफ या कलाकारांचा समावेश आहे.