Genelia Deshmukh : महाराष्ट्रातले क्युट कपल रितेश देशमुख आणि जेनेलिया यांचा 'वेड' हा मराठी सिनेमा लवकरच प्रदर्शित होणार आहे. जेनेलियाला मराठीत बोलताना ऐकणे हे सर्वांसाठी सरप्राईजच असणार आहे. सध्या दोघेही वेडचे जोरदार प्रमोशन करत आहेत. तर वेडचाच एक भाग म्हणून तुम्ही जेनेलिया आता एका लोकप्रिय मराठी मालिकेतही दिसणार आहे.
'रंग माझा वेगळा' मध्ये जेनेलियाची एंट्री
'रंग माझा वेगळा' (Rang Maza vegla) ही मालिका सध्या आघाडीवर आहे. मालिकेतील दीपिका कार्तिकची जोडी फारच पसंत केली जाते. मालिकेची लोकप्रियता बघता 'वेड'च्या प्रमोशनसाठी जिनिलिया रंग माझा वेगळा मध्ये थोड्यावेळासाठी दिसणार आहे. जिनिलिया दीपिकाला प्रेमाविषयी सांगताना दिसणार आहे. जिनिलियाच्या या धड्यामुळे कार्तिक दीपिकाच्या नात्यात पुन्हा प्रेम फुलते का हे बघायला मजा येणार आहे. तर जिनिलियाला मराठी मालिकेत बघणे प्रेक्षकांसाठी पर्वणीच असणार आहे.
Ved Marathi Movie : एकतर्फी प्रेमाची गोष्ट; रितेश जेनेलियाच्या 'वेड'चे ट्रेलर प्रदर्शित
'वेड' हा सिनेमा ३० डिसेंबर रोजी रिलीज होत आहे. एकतर्फी प्रेमावर ही कथा आहे. जिनिलियाने श्रावणी आणि रितेशने सत्याची भुमिका केली आहे. दोघांचे यात लग्न झालेले दाखवले आहे मात्र त्यांच्या नात्यात कटुता आहे. चित्रपटाचा ट्रेलर, गाणी खुप पसंतीस उतरत आहेत. अजय अतुलने सिनेमाचे संगीत दिग्दर्शन केले आहे.