अभिनेत्री रूपल नंद हिने काही दिवसांपूर्वीच लग्नगाठ बांधली. मुंबईच्या अनिश कानविंदे याच्यासोबत रूपलने सप्तपदी घेतली आहे. रूपलच्या लग्नाचे फोटो सोशल मीडियावर व्हायरल झाले होते यानंतर अभिनेत्रीवर चाहत्यांनी शुभेच्छांचा वर्षाव केला. . कुटुंबीय, नातेवाइक आणि जवळचे मित्र यांच्या उपस्थितीत रूपलचा विवाह पार पडला. लग्नानंतर रुपल पती अनिशसह सीक्रेट ठिकाणी हनीमूनला गेली आहे.
सध्या रुपल नंद कोणत्याही मालिकेत काम करत नाही मात्र तरी ती सोशल मीडियाच्या माध्यमातून चाहत्यांच्या संपर्कात असते. आपले फोटो आणि व्हिडीओ ती नेहमी सोशल मीडियावर शेअर करत असते. रुपलने पतीसोबतचे फोटो इन्स्टाग्रामवर शेअर केले आहेत. यात दोघे समुद्र किनारी एन्जॉय करताना दिसतायेत. फोटोत रुपलच्या चेहऱ्यावर आनंद दिसतोय. चाहत्यांना ही रुपलचे हे फोटो आवडले आहेत. मात्र रुपल नक्की कुठे आपल्या पतीसोबत क्वॉलिटी टाईम एन्जॉय करते हे तिने सांगितलं नाही.
गोठ या मालिकेतून राधा ही भूमिका साकारात रूपल नंद छोट्या पडद्यावर आली. या मालिकेतील तिची भूमिका खूप गाजली. एका ब्युटी कॉन्टेस्टमध्ये रुपलने भाग घेतला होता. तिथे सतीष राजवाडे हे परीक्षक होते.
त्यांना रुपला अपिअरन्स आवडला आणि त्यांनी तिला मुंबई-पुणे-मुंबई २ या चित्रपटात भूमिका दिली. त्यानंतर अँडस जरा हटके चित्रपटातही तिची भूमिका होती. पण रुपला घराघरात ओळख मिळाली ती गोठ या मालिकेतील राधाच्या भूमिकेनं. गोठ मालिकेत राधाच्या कामाचं कौतुक झालं आणि तिला अनेक मोठ्या कलाकारांबरोबर कामाची संधीही त्यानिमित्ताने मिळाली.