तुझ्यात जीव रंगला (Tuzyat Jeev Rangala) या मालिकेमुळे राणादा आणि पाठक बाई ही जोडी महाराष्ट्रात लोकप्रिय झाली. या मालिकेतून हार्दिक जोशी (Hardik Joshi) व अक्षया देवधर (Akshaya Deodhar) ही जोडी घराघरात पोहचली. राणादा व पाठकबाई या पात्राची केमिस्ट्री चाहत्यांना खूपच भावली. मात्र आता खऱ्या आयुष्यातही हार्दिक व अक्षया यांनी लग्न करण्याचा निर्णय घेतला आहे. लवकरच ते दोघे लग्नबेडीत अडकणार आहेत. आता या दोघांच्या लग्न विधींना सुरुवात झाली आहे.
नुकतीच नवऱ्या मुलाला म्हणजेच हार्दिकचा हळदीचा कार्यक्रम पार पडला. त्याच्या घरी हळदी समारंभाची धूम पाहायला मिळतेय. सगळे कुटुंबीय मित्रपरिवार त्याच्या या समारंभात सहभागी झाले आहेत. हार्दिकचा मित्र व अभिनेता अमोल नाईकने हार्दिकच्या हळदी कार्यक्रमाचा व्हिडीओ इन्स्टाग्रामवर शेअर केला आहे.
हार्दिक जोशीला आता अक्षयाच्या नावाची हळद लागली आहे. हार्दिकने त्याच्या हळदीसाठी पांढऱ्या रंगाचा सदरा परिधान केला आहे. तसेच त्याने मुंडावळ्या बांधलेल्या दिसत आहे. हळदी कार्यक्रमासाठी हार्दिकच्या घरी छान डेकोरेशन करण्यात आले आहे.
हळदीच्या कार्यक्रमासाठी फुलांची सजावट करण्यात आली आहे. तसेच हार्दिक व अक्षया असे नावही खास पद्धतीने तयार करण्यात आले आहे. तसेच कुटुंबियांसह मित्र-मंडळीही हार्दिकची हळद एन्जॉय करताना दिसत आहेत.