आपल्या अफलातून विनोदांमधून कायम प्रेक्षकांचं मनोरंजन करणारी लाफ्टर क्वीन म्हणजे भारती सिंग (bharti singh). काही दिवसांपूर्वीच भारतीने एका गोड बाळाला जन्म दिला आहे. त्यामुळे सध्या ती तिच्या बाळासोबत क्वालिटी टाइम घालवत आहे. विशेष म्हणजे प्रेग्नंसीच्या आठव्या महिन्यापर्यंत भारती 'हुनरबाज' हा शो होस्ट करत होती. मात्र, आता ती मॅटर्निटी लिव्हवर आहे. त्यामुळे आता तिच्या ऐवजी 'नागिन 6' मधील एक लोकप्रिय अभिनेत्री भारतीची जागा घेणार आहे.
सध्या सोशल मीडियावर हुनरबाज या शोमधून भारती सिंगऐवजी एका लोकप्रिय अभिनेत्रीला रिप्लेस केल्याचं सांगण्यात येत आहे. भारती सध्या तिचं आईपण अनुभवत आहे. त्यामुळे ती या शोमध्ये परत येईपर्यंत तिच्या जागी अभिनेत्री सुरभी चंदना हा शो होस्ट करणार असल्याचं सांगण्यात येत आहे.
दरम्यान, सूत्रांच्या माहितीनुसार, लोकप्रिय अभिनेत्री सुरभी चंदना आता हर्ष लिंबाचियासोबत हुनरबाजचं सूत्रसंचालन करणार आहे. सुरभी छोट्या पडद्यावरील प्रसिद्ध अभिनेत्री आहे. यापूर्वी तिने अनेक गाजलेल्या मालिकांमध्ये काम केलं आहे.