Bigg Boss Marathi Season 5:बिग बॉस मराठीचं यंदाचं पर्व चांगलंच गाजतंय. या कार्यक्रमाप्रमाणे त्यातील स्पर्धकही चर्चेचा विषय ठरत आहेत. आपल्या रंगतदार खेळीने प्रत्येक सदस्य प्रेक्षकांचं लक्ष वेधून घेत आहे. दरम्यान, बिग बॉसच्या या पाचव्या रोज नवनवीन ट्विस्ट पाहायला मिळत आहेत. या सीझनच्या पहिल्याच दिवसापासून निक्की तांबोळी आणि अरबाज पटेल यांच्याबद्दल चर्चा रंगू लागली. त्यामुळे बिग बॉसच्या घरात प्रेमाचे वारे वाहू लागले.
अशातच बिग बॉसच्या घरामध्ये रागंडा गडी वैभव चव्हाण हा परदेसी गर्ल इरिनाच्या प्रेमात पडलाय की काय प्रश्न प्रेक्षकांना पडलाय? सोशल मीडियावर तर या दोघांच्या नात्याबद्दल चर्चा होताना दिसतेय. असं असताना त्यात आता घरात नवं प्रकरण समोर आलं आहे. वैभव आणि इरिनाच्या नात्यातील जवळीक वाढत असताना रॅपर आर्या रांगड्या गडीवर फिदा असल्याचं समजतंय.
नुकताच कलर्स मराठी वाहिनीवर बिग बॉसच्या पाचव्या पर्वाचा प्रोमो शेअर करण्यात आला आहे. या प्रोमोमध्ये आर्या वैभवजवळ तिच्या भावना व्यक्त करताना दिसते आहे. हा प्रोमो सध्या सोशल मीडियावर तुफान व्हायरल होत आहे. या व्हायरल प्रोमोवर आता प्रेक्षकांनी त्यांच्या प्रतिक्रिया दिल्या आहेत.
बिग बॉस मराठी’च्या घरातील या लव्ह ट्रॅंगल पाहून प्रेक्षक भडकल्याचं चित्र आहे. या प्रोमोवर एका नेटकऱ्याने “‘बिग बॉस’ आहे की वधू वर सूचक केंद्र” अशी कमेंट करत अनेकांचं लक्ष वेधलं आहे. तर आणखी एकाने म्हटलंय“आता हे स्क्रीप्टेड वाटत आहे”.
बिग बॉस मराठी ५'चे स्पर्धक-
वर्षा उसगावकर, निखिल दामले, अंकिता वालावलकर, पंढरीनाथ कांबळे, योगिता चव्हाण, जान्हवी किल्लेकर, अभिजीत सावंत, घनश्याम दरवडे, इरिना रुडाकोवा, निक्की तांबोळी, वैभव चव्हाण, अरबाज पटेल, आर्या जाधव, पुरषोत्तम दादा पाटील, धनंजय पोवार, सूरज चव्हाण