‘मिस युनिव्हर्स 2021’चा (Miss Universe 2021) खिताब जिंकून भारताला जेतेपद मिळवून देणारी हरनाज संधू (Harnaaz Kaur Sandhu) सध्या वेगळ्याच कारणानं चर्चेत आहे. अचानक वाढलेल्या वजनामुळे ती चर्चेत आली आहे. अगदी अलीकडे ती लॅक्मे फॅशन वीकमध्ये रॅम्प वॉक करताना दिसली. या इव्हेंटमध्ये मलायकाच्या ‘छैय्या छैय्या’ या गाण्यावर तिने धमाकेदार डान्सही केला. यानंतर ती पोहोचली ‘इंडियाज् गॉट टॅलेंट 9’च्या (India's Got Talent 9) मंचावर.
होय, लवकरच हरनाज ‘इंडियाज् गॉट टॅलेंट 9’मध्ये स्पेशल गेस्ट बनून येणार आहे. त्याआधी या शोच्या मंचावरचा एक BTS व्हिडीओ तिने शेअर केला आहे. पण हा व्हिडीओ पाहून नेटकर्‍यांचा संताप अनावर झाला. व्हिडीओ पाहिल्यानंतर शिल्पा शेट्टी (Shilpa Shetty) , रॅपर बादशाह (Badshah) यांच्यावर लोक चांगलेच संतापले. अनेकांनी शिल्पा व बादशाह यांना फैलावर घेत, ट्रोल करायला सुरूवात केली. ‘इंडियाज् गॉट टॅलेंट 9’च्या मंचावर असं काय झालं? असा प्रश्न तुम्हाला पडला असेल तर यासाठी तुम्हाला पुढची बातमी वाचावी लागेल. शिवाय हरनाजने शेअर केलेला BTS व्हिडीओही बघावा लागेल.
व्हिडीओत हरनाज जजेसच्या खुर्चीकडे जाताना दिसतेय. ती स्वत: किरण खेर, शिल्पा शेट्टी, बादशाह यांना नमस्ते म्हणते, त्यांना प्रेमाने भेटले. एकीकडे हरनाज सर्व जजेसला आदर देतेय. पण जजेसनी खुर्चीवर उठून तिचं स्वागत करण्याचे साधे कष्टही घेतले नाहीत. शिल्पा तिची बहिण शमिता शेट्टीसोबत उभी दिसली. पण या दोघी बहिणींच्या दोघींच्या चेहर्‍यावरचे भाव विचित्र आहेत.
हा व्हिडीओ पाहिल्यानंतर नेटकर्‍यांनी संतप्त प्रतिक्रिया दिल्या. हरनाज मिस युनिव्हर्स आहेत. तिने देशाचा गौरव वाढवला आहे. पण शिल्पा, बादशाह आणि किरण खेर यांनी साधं तिला वेलकमही करू नये, ही गोष्ट अनेकांना खटकली.
‘या जजेसकडे बेसिक मॅनर्सही नाहीत. त्यांच्या चेहर्‍यावर साधं हास्यही नाही. शेमफुल,’ अशी कमेंट एका नेटकर्‍याने केली. एका युजरने शिल्पाच्या चेहर्‍यावरचे भाव बघून अनेकांनी तिला ट्रोल केलं. ‘हिच्या चेहर्‍याला काय झालं, फेक एक्सप्रेशन्स,’ असं एका युजरने लिहिलं. ‘यांना बघा, ज्या मुलीने देशाचं नाव मोठं केलं, तिला भेटण्यात यांना काहीही रस नाही,’अशी प्रतिक्रिया एकाने दिली. काहींनी शिल्पाची बहीण शमिताही ट्रोल केलं.‘इंडियाज् गॉट टॅलेंट 9’चा हा एपिसोड येत्या रविवारी रात्री 8 वाजता टेलिकास्ट होणार आहे.