सोनी एन्टरटेन्मेंट टेलिव्हिजनवरील इंडियन आयडॉल या कार्यक्रमाचे आजवरचे सगळेच सिझन हिट गेले आहेत. आता या कार्यक्रमाचा नवा सिझन म्हणजेच इंडियन आयडल 11 प्रेक्षकांच्या भेटीस आला असून यात नेहा कक्कड, विशाल दादलानी, अनू मलिक परीक्षकाच्या भूमिकेत दिसत आहेत तर या कार्यक्रमाच्या सूत्रसंचालनाची जबाबदारी आदित्य नारायण सांभाळत आहे. या वर्षीच्या ‘इंडियन आयडॉल’ची थिम ‘एक देश एक आवाज’ अशी आहे.
ओदिशाची चेल्सी सांगते, “माझा माझ्या डोळ्यांवर विश्वासच बसेना की, सचिन सारख्या महान व्यक्तीने माझ्या आवाजाबद्दल ट्वीट केले आहे. मी इंडियन आयडॉलची ऋणी आहे कारण त्याच्यामुळे माझा आवाज इतक्या लोकांपर्यंत पोहोचला आहे.”
पंजाबचा सनी सांगतो, “जेव्हा एका स्पर्धकाने मला सांगितले की, सचिन तेंडुलकरने माझ्या परफॉर्मन्सबद्दल ट्वीट केले आहे, तेव्हा मला विश्वासच बसत नव्हता. ते ट्वीट मी स्वतः पाहिले आणि आनंदाने अक्षरशः उड्या मारू लागलो. हे सगळे इंडियन आयडॉलमुळेच शक्य झाले आहे. इंडियन आयडॉलच्या मंचाचा मी अत्यंत ऋणी आहे.”
महाराष्ट्राचा राहुल खरे सांगतो, “मी जेव्हा ते ट्वीट पाहिले तेव्हा मला धक्काच बसला. ज्या माणसाचे नाव मी क्रिकेट बघायला लागल्यापासून ऐकतो आहे, त्याने माझ्याबद्दल ट्वीट केले आहे. मला इतका आनंद झाला की, मी माझ्या गाण्याने क्रिकेटच्या देवाला प्रभावित करू शकलो आणि हे सगळे शक्य झाले ते इंडियन आयडॉलमुळे.