छोट्या पडद्यावरील लोकप्रिय सिंगिंग रिएलिटी शो इंडियन आयडॉल १२चा स्पर्धक पवनदीप राजनचा आवाज लोकांना खूप भावतो. चाहते पवनदीप राजनचा परफॉर्मन्स पाहण्यासाठी इंडियन आयडॉल १२ पाहतात. मागील काही दिवसांपूर्वी इंडियन आयडॉल १२मध्ये हिमेश रेशमियाला ट्रिब्युट दिले होते. यादरम्यान इंडियन आयडॉल १२चे स्पर्धक हिमेश रेशमियाचे सुपरहिट गाणी गाताना दिसले होते. इंडियन आयडॉल १२च्या मागील भागात प्रत्येक स्पर्धकाने हिमेश रेशमियाची दोन-तीन गाणी गायली पण पवनदीप राजनच्या बाबतीत काही वेगळेच चित्र पाहायला मिळाले.
इंडियन आयडॉल १२च्या मागील भागात पवनदीप राजन फक्त एकच गाणे गाताना दिसला. पवनदीप राजनने सलमान खानचे सुपरहिट गाणे तेरे नाम गायले होते. यादरम्यान चाहत्यांनी इंडियन आयडॉल १२च्या निर्मात्यांना ट्रोल करायला सुरूवात केली. चाहत्यांचा दावा आहे की, इंडियन आयडॉल १२च्या निर्मात्यांनी जाणूनबुजून पवनदीप राजनदीपच्या परफॉर्मन्सवर कैची लावली आहे.
गेल्या काही दिवसांपासून सातत्याने इंडियन आयडॉलचा १२वा सीझन वादाच्या भोवऱ्यात अडकताना दिसतो आहे.