कोरोना व्हायरसमुळे महाराष्ट्रात लॉकडाउन जाहीर करण्यात आले आहे. मालिका आणि चित्रपटाच्या शूटिंगलाही बंदी घालण्यात आली आहे. त्यामुळे शूटिंगचे ठिकाण इतर राज्यात हलविण्यात आले आहे. लोकप्रिय सिंगिंग रिएलिटी शो इंडियन आयडॉलचेही शूटिंग लोकेशनही बदलण्यात आले. लॉकडाउनमुळे इंडियन आयडॉल १२च्या निर्मात्यांनी संपूर्ण टीमसोबत दमणमध्ये शूटिंग केले आहे. त्यामुळे संपूर्ण टीमला मुंबईतून दमण येथे शिफ्ट केले आहे.
इंडियन आयडॉल १२च्या निर्मात्यांनी दमणमध्ये एक महिन्याचे बॅकअप एपिसोड्सचे शूटिंग पूर्ण केले आहे. शूट पूर्ण झाल्यानंतर टीम मुंबईत परतली आहे. आता तुम्ही म्हणाल की संपूर्ण टीमला रजा कशी देण्यात आली. शोच्या निर्मात्यांनी संपूर्ण टीमला एक ब्रेक दिला आहे. आता मुंबईत शूटिंगला परवानगी दिल्यानंतरच शोच्या चित्रीकरणाला सुरूवात होईल.