छोट्या पडद्यावरील लोकप्रिय सिंगिंग रिएलिटी शो इंडियन आयडॉलचा १२वा सीझन नुकताच संपला. हा सीझन खूप चर्चेत आला. या सीझनचा विजेत पवनदीप राजन ठरला. 'इंडियन आयडल 12' पवनदीप राजनने जिंकला होता. तर अरुणिता कांजीलाल या सीझनची पहिली उपविजेती ठरली. शो संपल्यानंतर पवनदीप आणि अरुणिता दोघेही त्यांच्या आगामी प्रोजेक्टमध्ये बिझी आहेत.
इंडियन आयडॉलचा १२वा सीझन खूप चर्चेत आला होता. या शोमध्ये खूप कॉन्ट्रोव्हर्सी निर्माण झाली होती. त्यानंतर अरुणिता आणि पवनदीपच्या मैत्रीच्या आणि लिंकअपच्या चर्चा होताना दिसल्या. इतकेच नाही तर शो संपल्यानंतरही आता त्यांच्या अफेयरच्या चर्चा ऐकायला मिळतात. या शोनंतर देखील अनेक ठिकाणी हे दोघेही एकत्र स्पॉट झाले. ज्यामुळे सोशल मीडियावर देखील या दोघांच्या रिलेशनशीपविषयी खूप चर्चा सुरू आहे. मात्र एका मुलाखतीमध्ये पवनदीपने तो माधुरी दीक्षितचा खूप मोठा चाहता असल्याचे सांगितले. माधुरी दीक्षितचा त्याची सगळ्यात आवडती अभिनेत्री आहे, असेही तो म्हणाला.