Indian Idol 12: अरुणिता कांजीलालसोबतच्या रिलेशनशीपबाबत पवनदीप राजनने केला 'हा' मोठा खुलासा

Indian Idol 12: 'इंडियन आयडॉल १२' शोमधील पवनदीप राजन आणि अरुणिता कांजीलाल ही जोडी प्रेक्षकांमध्ये खूप लोकप्रिय ठरली होती.

छोट्या पडद्यावरील सिंगिग रिएलिटी शो इंडियन आयडॉल १२ (Indian Idol 12)मधील पवनदीप राजन आणि अरुणिता कांजीलाल ही जोडी प्रेक्षकांमध्ये खूप लोकप्रिय ठरली. शो संपल्यानंतरही या जोडीची लोकप्रियता चाहत्यांमध्ये कायम आहे. ही जोडी प्रेक्षकांना खूप भावते आहे. हे दोघे रिलेशनशीपमध्ये असल्याच्या चर्चा वारंवार ऐकायला मिळत असतात. आता पवनदीपने अरूणितासोबतच्या नात्याबद्दल बरेच खुलासे केले आहेत.

पवनदीप राजनने म्हटले की, अरूणिता फक्त त्याची मैत्रिण आहे. दोघांमधील बॉण्डिंग खूप चांगली आहे आणि दोघे खूप जवळचे फ्रेंड आहेत. आमच्यात कोणतेच रोमँटिक कनेक्शन नाही आहे. तो पुढे म्हणाला की, खरे सांगू तर आम्ही सर्व स्पर्धकांना एकत्र इतका वेळ व्यतित केला आहे की आम्ही सगळे एकमेकांच्या जास्त क्लोज आलो आहोत.

तो म्हणाला की, आम्ही दोघेही खूप यंग आहोत आणि दोघांचे करिअर बनवण्याकडे जास्त प्राधान्य आहे. आता त्यावर जास्त लक्ष देणार आहे. प्रेमासारख्या सर्व गोष्टीची वाट पाहू शकतो. पवनदीपला अरूणितासोबतची मैत्री तोपर्यंत टिकवायची आहे जोपर्यंत ते वयस्कर होत नाही.

पवनदीप राजन इंडियन आयडॉल १२चा विजेता आहे. तसेच २०१५ साली स्टार प्लस वाहिनीवरील रिएलिटी शो द वॉइसचादेखील विजेता ठरला होता. त्यांची गाणी लोकांना खूप भावतात. त्याला २०१६ साली उत्तराखंड सरकारने युथ ब्रॅण्ड अॅम्बेसिडर म्हणून घोषित केले होते.