इंडियन आयडॉल १२ शो पुन्हा एकदा चर्चेत आला आहे. या शोमध्ये नुकतेच एलिमिनेशन झाले ज्यामुळे पुन्हा एकदा शो चर्चेत आला आहे. अंजली गायकवाडनंतर आता या शोमधील सवाई भटचा प्रवास संपला आहे. मोहम्मद दानिश, निहाल टौरो आणि सवाई भटचे नाव डेंजर झोनमध्ये होते आणि या तिघांमधून सवाई भटला शोमधून बाहेर पडावे लागले. चाहते या धक्कादायक एलिमिनेशनमुळे नाराज झाले आहेत.
इंडियन आयडॉल १२च्या रविवारच्या भागात कंटेस्टंट्स फादर्स डेसोबत कल्याणजी आणि आनंदजी स्पेशल सेलिब्रेट करताना दिसले. या भागात लोकप्रिय संगीतकार आनंदजी यांनी सहभाग घेतला होता. त्यांच्या उपस्थितीत पन्नास-साठ पासून नव्वदच्या दशकातील सदाबहार गाण्यांच्या आठवणींना उजाळा दिला.
तसेच हे सर्व टीआरपीसाठी सुरू असल्याचाही आरोप प्रेक्षक करत आहेत.काही लोकांनी सवाईचे एलिमिनेशन अयोग्य असल्याचे म्हटले तर काहींनी पवनदीपला जास्त व्होट मिळणारा स्पर्धक ठरल्यामुळे शंका व्यक्त केली. इतकेच नाही काही लोकांनी शो न बघण्याची शपथ घेतली आहे.
नुकतेच नव्याने सवाई भटला सपोर्ट करत त्याचा एक व्हिडीओ देखील सोशल मीडियावरदेखील शेअर केला होता.